మధ్యప్రదేశ్ ప్రభుత్వంపై వ్యంగాస్త్రాలు సంధించారు ఆ రాష్ట్ర మాజీ ముఖ్యమంత్రి, భాజపా సీనియర్ నేత శివరాజ్సింగ్ చౌహాన్. రాష్ట్రంలో నెలకొన్న విద్యుత్ కోతల కారణంగా పెట్టుబడిదారులు మధ్యప్రదేశ్లో లాంతరు ఫ్యాక్టరీలు పెట్టాలనుకుంటున్నారని ఎద్దేవా చేశారు.
"మా ప్రభుత్వ పాలనలో ఇన్వర్టర్ల అవసరం కూడా లేకుండా చేశాం. లాంతర్లు, ఇతర దీపాల అమ్మకాలూ పూర్తిగా నిలిచిపోయాయి. కానీ ప్రస్తుతం అనేక మంది వ్యాపారులు మధ్యప్రదేశ్లో ఇన్వర్టర్లు, లాంతరు ఫ్యాక్టరీలు పెట్టేందుకు యోచిస్తున్నారు." -శివరాజ్సింగ్ చౌహన్, మధ్యప్రదేశ్ మాజీ ముఖ్యమంత్రి
కాంగ్రెస్ పాలనలో మధ్యప్రదేశ్లో అవినీతి పెరిగిపోయిందన్నారు శివరాజ్. సంక్షేమ పథకాలు నిర్వీర్యం అవుతున్నాయన్నారు. ప్రస్తుత పాలన దిగ్విజయ్ ముఖ్యమంత్రిగా ఉన్న రోజులను గుర్తు చేస్తోందని ఆరోపించారు.
ఇదీ చూడండి: '2024 నాటికి రూ.350 లక్షల కోట్ల ఆర్థిక వ్యవస్థే లక్ష్యం'
