రెండోసారి అధికారం చేపట్టిన ఎన్డీఏ ప్రభుత్వంలో కేంద్ర హోంశాఖ మంత్రిగా అమిత్ షాకు అవకాశం లభించింది. శనివారం పదవీ బాధ్యతలు స్వీకరించారు షా. అనంతరం ప్రధానమంత్రి నరేంద్ర మోదీకి కృతజ్ఞతలు తెలుపుతూ ట్వీట్ చేశారు.
" మోదీ ప్రభుత్వంలో దేశ భద్రత, ప్రజల సంక్షేమం ముఖ్య ప్రాధాన్యాంశాలు. మోదీ నాయకత్వంలో అన్ని ప్రాధాన్యాలను నెరవేర్చేందుకు నా శాయశక్తులా ప్రయత్నిస్తా. ఈ రోజు నేను భారత హోంశాఖ మంత్రిగా బాధ్యతలు చేపట్టాను. నాపై విశ్వాసం ఉంచిన ప్రధాన మంత్రి నరేంద్ర మోదీకి కృతజ్ఞతలు."
- అమిత్ షా, కేంద్ర హోంమంత్రి
.
హోంశాఖ మంత్రిగా బాధ్యతలు చేపట్టిన అనంతరం తొలిసారి మంత్రిత్వ శాఖలోని సంయుక్త కార్యదర్శులతో సమావేశమయ్యారు అమిత్ షా. శాఖకు సంబంధించిన కీలక అంశాలపై విస్తృతంగా చర్చించారు.
ఇదీ చూడండి: 'ప్రధాన ప్రతిపక్ష హోదాపై కేంద్రానిదే నిర్ణయం'
