దేశంలో కరోనా వ్యాప్తి క్రమంగా తగ్గుముఖం పడుతోందని కేంద్ర ఆరోగ్య శాఖ గణాంకాలు వెల్లడిస్తున్నాయి. యాక్టివ్ కేసుల సంఖ్య ఎనిమిది లక్షలకు దిగువకు చేరడమే ఇందుకు నిదర్శనం. సెప్టెంబర్ 1న 7.85లక్షల క్రియాశీల కేసులుండగా.. దాదాపు నెలన్నర తర్వాత ఆ సంఖ్య 7,95,087కు చేరింది. మొత్తం కేసుల సంఖ్యలో ఇది 10.7 శాతంగా ఉంది.
రోజూవారి రికవరీల సంఖ్య స్థిరంగా పెరుగుతుండటం వల్ల.. యాక్టివ్ కేసులు తగ్గుముఖం పడుతున్నాయని తెలిపింది ఆరోగ్య శాఖ. శుక్రవారం ఒక్కరోజే 70,816 మంది వైరస్ను జయించగా.. మొత్తం రికవరీల సంఖ్య 65లక్షల 24వేల 595కు చేరింది. ఫలితంగా దేశవ్యాప్త కరోనా రికవరీ రేటు 87.78శాతానికి పెరిగింది. మరణాల రేటు 1.52శాతంగా నమోదైంది.
ఇదీ చదవండి: దేశంలో 62 వేల కొత్త కేసులు.. 837 మరణాలు
