ముంబయి నుంచి గోవాకు వెళ్లిన ఎయిర్ఇండియా విమానం అనుకోని సమస్య వల్ల దిగడంలో సమస్యను ఎదుర్కొంది. మంగళవారం జరిగిన ఈ ఘటనకు గల కారణమేంటో తెలుసా... శునకాల స్వైర విహారం.
ఎయిర్ ఇండియా విమానం-సర్వీస్ 033 ముంబయి నుంచి గోవా దబోలిమ్ విమానాశ్రయానికి వెళ్లింది. తెల్లవారుజామున ల్యాండింగ్ చేసేందుకు ప్రయత్నించారు పైలట్. రన్వేపై శునకాలు తిరుగుతున్న కారణంగా వెనక్కి మళ్లించారు. మరోసారి దిగేందుకు ప్రయత్నించి విజయవంతమయ్యారు. ఈ ఘటనను గోవా ప్రభుత్వం, భారత నౌకాదళం సీరియస్గా తీసుకున్నాయి. విమానాశ్రయంలో శునకాలను అరికట్టేందుకు 'ఐఎన్ఎస్ హంస' ఉద్యోగులను నియమించనున్నట్లు స్పష్టం చేసింది నావికా దళం. విమానాశ్రయం చుట్టుపక్కల ఉన్న రెండొందల శునకాలను తొలగించేందుకు నిర్ణయం తీసుకుంది రాష్ట్ర ప్రభుత్వం.
ఇదీ చూడండి: జల్ జీవన్ మిషన్ : ప్రతి గ్రామీణ గృహానికీ కుళాయి నీళ్లు
