లద్దాక్ గాల్వన్‌ లోయ వద్ద చైనా సైన్యంతో జరిగిన ఘర్షణలో తమిళనాడు రామనాథపురం జిల్లాకు చెందిన హవల్దార్ పళని ప్రాణాలు కోల్పోయారు. ఈ విషయం తెలుసుకున్న పళని కుటుంబ సభ్యులు కన్నీరు మున్నీరుగా విలపిస్తున్నారు. రామనాథపురం జిల్లా, కడులూర్ గ్రామానికి చెందిన పళని.... గత 22 ఏళ్లుగా భారత సైన్యంలో పనిచేస్తున్నారు. పళనికి భార్య, ఒక పాప, బాబు ఉన్నారు.
సోమవారం రాత్రి లద్దాఖ్‌లోని గాల్వన్‌ లోయ ప్రాంతంలో చైనా సైనిక దుశ్చర్యకు బలైన పళని మృతి తీవ్రంగా కలచివేసినట్లు తమిళనాడు ముఖ్యమంత్రి పళనిస్వామి, ఉప ముఖ్యమంత్రి పన్నీర్ సెల్వం ట్వీట్ చేశారు. పళని కుటుంబసభ్యులకు ప్రగాఢ సానుభూతి ప్రకటించారు.
ఇదీ చూడండి: మోదీతో రాజ్నాథ్ భేటీ.. సరిహద్దు ఘర్షణపై వివరణ
