చైనా సైనికుడిని పీఎల్‌ఏకు అప్పగించిన భారత్​

భారత్​ అధీనంలో ఉన్న చైనా సైనికుడిని ఆ దేశ సైన్యానికి అప్పగించింది భారత్​. చుషుల్ మోల్దో సమావేశ ప్రాంతం వద్ద ఆ దేశ సైనికుడు కార్పరల్ వాంగ్ యా లాంగ్​ను మంగళవారం రాత్రి అధికారులు అప్పగించినట్లు అధికారులు తెలిపారు.

సరిహద్దులు దాటి భారత భూభాగంలోకి ప్రవేశించిన చైనా కార్పరల్ వాంగ్ యా లాంగ్‌ను చైనాకు అప్పగించింది భారత సైన్యం. చుషూల్ మోల్డో మీటింగ్ పాయింట్​ వద్ద చైనా సైనికుణ్ని మంగళవారం రాత్రి పీఎల్‌ఏకు అప్పగించినట్లు సైన్యం వెల్లడించింది.

తూర్పు లద్దాఖ్‌లో దెమ్‌చోక్‌ వద్ద వాంగ్ యా లాంగ్​ను భారత సైన్యం అదుపులోకి తీసుకుంది. అతని వద్ద పౌర, సైన్యానికి సంబంధించిన కీలక పత్రాలను స్వాధీనం చేసుకుంది. ఈ సైనికుడు గూఢచారిగా భారత్​కు వచ్చారా? లేక మరేదైనా ప్రణాళికతో వచ్చారా అనే అంశంపై భారత సైన్యం విచారణ చేపట్టింది. విచారణ అనంతరం ప్రోటోకాల్‌ను అనుసరించి వాంగ్‌ను చైనాకు అప్పగిస్తామన్న సైన్యం...ఆ మేరకు మాట నిలబెట్టుకుంది.

ఇవీ చూడండి: 'మా జవాను త్వరగా తిరిగొస్తాడని ఆశిస్తున్నాం'