భారత వాయుసేన అమ్ములపొదిలో అత్యాధునిక 'అపాచీ ఏహెచ్-64ఈ' యుద్ధ హెలికాప్టర్లు చేరనున్నాయి. ఈ 8 హెలికాప్టర్లను నేడు భారత్కు అందించనుంది బోయింగ్ విమాన సంస్థ. మొత్తం 27 హెలికాప్టర్ల కొనుగోలుకు బోయింగ్తో ఒప్పందం కుదుర్చుకుంది వాయుసేన. ఈ ఒప్పందంలో భాగంగా జులై 27న తొలి నాలుగు హెలికాప్టర్లు భారత్లో అడుగుపెట్టాయి. నేడు మరో 8 హెలికాప్టర్లను పఠాన్కోట్లోని వైమానిక దళానికి అందించనుంది బోయింగ్.
ఈ సందర్భంగా పఠాన్కోట్లో ప్రత్యేక కార్యక్రమం నిర్వహిస్తోంది వాయుసేన. ఈ కార్యక్రమానికి ఎయిర్ చీఫ్ మార్షల్ బీఎస్ ధనోవా ముఖ్య అతిథిగా హాజరుకానున్నారు.
ప్రపంచవ్యాప్తంగా వివిధ దేశాలన్నింటికి కలిపి మొత్తం 2,200 అపాచీ హెలికాప్టర్లను అందించింది బోయింగ్.
నాలుగేళ్ల తర్వాత..
22 అపాచీ ఛాపర్ల కొనుగోలుకు 2015 సెప్టెంబర్లో అమెరికాతో భారత వాయుసేన బిలియన్ డాలర్ల ఒప్పందం కుదుర్చుకుంది. 2017లో మరో 6 హెలికాప్టర్లతో పాటు ఆయుధ సామగ్రి కొనుగోలుకు రూ.4,168 కోట్ల ఒప్పందం చేసుకుంది రక్షణ శాఖ.
2020 నాటికి మొత్తం 22 అపాచీ హెలికాప్టర్లను భారత్ అమ్ములపొదిలో ఉంటాయి. 2018 జులైలోనే ఈ హెలికాప్టర్ల పరీక్షను విజయవంతంగా నిర్వహించింది భారత్. వీటిని నడిపేందుకు వాయుసేన బృందం అమెరికాలో శిక్షణ తీసుకుంటోంది.
ఇదీ చూడండి: హీరో 2.0: వినువీధుల్లో అభినందనుడి విన్యాసం
