భారత్​-అమెరికా మధ్య కుదిరిన ఒప్పందాలివే..

భారత్​-అమెరికా మధ్య 3 బిలియన్​ డాలర్లు విలువైన రక్షణ ఒప్పందాలు కుదిరాయి. అలానే మూడు అవగాహన ఒప్పందాలపై ఇరువురు అగ్రనేతలు సంతకాలు చేశారు. ఒప్పందాల వివరాలను ఒకసారి చూద్దాం.

అమెరికా అధ్యక్షుడు డొనాల్డ్ ట్రంప్​, భారత ప్రధాని నరేంద్ర మోదీ మూడు పరస్పర అవగాహన ఒప్పందాల(ఎమ్​ఓయూలు)పై సంతకం చేశారు. ఎమ్​ఓయూలలో రెండు వైద్య రంగానికి సంబంధించినవి కాగా ఒకటి ఇంధన రంగానికి చెందినది. వీటితో పాటు ఇరుదేశాల మధ్య 3 బిలియన్ డాలర్ల విలువైన రక్షణ ఒప్పందాలు కుదిరాయి.

ఒప్పందాల వివరాలు...

1. రక్షణ ఒప్పందంలో భాగంగా 6 అపాచీ, 24 ఎంహెచ్‌-60 రోమియో హెలికాప్టర్లను భారత్​కు అమెరికా అందజేయనుంది.
2. ఇంధన రంగంలో సహకారానికి భారీ ఒప్పందం.
3. రెండు దేశాల ఆరోగ్యశాఖల మధ్య మానసిన వైద్యానికి సంబంధించి అవగాహన ఒప్పందం.
4. ఆరోగ్య ఉత్పత్తుల సంరక్షణపై కేంద్ర ఔషధ నియంత్రణ సంస్థ​ (సీడీఎస్​సీఓ), అమెరికా ఆహార, ఔషధ నియంత్రణ సంస్థ (యూఎస్​ ఎఫ్​డీఏ) మధ్య అవగాహన ఒప్పందం.
5. ఇండియన్​ ఆయిల్​ కార్పొరేషన్​ లిమిటెడ్, ఎక్సాన్​ మోబిల్​ ఇండియా ఎల్​ఎన్​జీ లిమిటెడ్​, ఛార్ట్​ ఇండస్ట్రీస్​, అమెరికా మధ్య సహకారపత్రంపై సంతకం.

• ఇదీ చూడండి: దిల్లీ ప్రభుత్వ పాఠశాలకు మెలానియా ట్రంప్