జమ్ము కశ్మీర్కు మ్యాప్ను తప్పుగా చూపించినందుకు వికీపీడియాకు కేంద్రం నోటీసులు జారీ చేసినట్లు అధికారులు తెలిపారు. వెబ్సైట్లోని తప్పుడు మ్యాప్కు చెందిన లింక్ను తొలగించాలని ఆదేశించినట్లు వెల్లడించారు.
ఓ ట్విట్టర్ వినియోగదారులు చేసిన ట్వీట్ ఆధారంగా ప్రభుత్వం చర్యలు తీసుకున్నట్లు అధికారులు పేర్కొన్నారు. కేంద్ర ఎలక్ట్రానిక్స్, ఐటీ మంత్రిత్వ శాఖ నవంబర్ 27న నోటీసు పంపించినట్లు చెప్పారు. భారతదేశ ప్రాదేశిక సమగ్రత, సార్వభౌమాధికారానికి వ్యతిరేకంగా ఉన్న ఈ పేజీని వెబ్సైట్ నుంచి తొలగించాలని స్పష్టం చేసినట్లు వెల్లడించారు. ఈ ఆదేశాలను వికీపీడియా పాటించకపోతే.. చట్టపరమైన చర్యలు తీసుకునే అవకాశం ప్రభుత్వానికి ఉందని అన్నారు.
ఇప్పటివరకైతే వికీపీడియా ఈ మ్యాప్ను సరిచేయలేదు.
