పాకిస్థాన్లోని సిక్కుల పవిత్ర స్థలం గురుద్వారా నన్కానా సాహిబ్ వద్ద శుక్రవారం జరిగిన విధ్వంసకర చర్యల్ని కాంగ్రెస్ అధినేత్రి సోనియా గాంధీ ఖండించారు. ఈ దాడిపై భారత ప్రభుత్వం తక్షణమే పాక్ అధికారులతో చర్చించి... భవిష్యత్తులో ఇటువంటి ఘటనలు జరగకుండా యాత్రికులకు కట్టుదిట్టమైన భద్రత ఏర్పాటు చేయాలని వెల్లడించారు.
దాడికి కారణమైన నిందితులను శిక్షించాలని డిమాండ్ చేశారు సోనియా. ఈ అంశం గురించి పాక్ అధికారులపై ఒత్తిడి తీసుకురావాలని కేంద్రానికి సూచించారు.
"దాడికి కారకులైన వారిపై కేసు నమోదు చేసి అదుపులోకి తీసుకొని సత్వర కఠిన చర్యలు చేపట్టాలి. ఈ విషయంపై కేంద్రం.. పాక్ ప్రభుత్వంపై ఒత్తిడి తీసుకురావాలి."
-సోనియా గాంధీ, కాంగ్రెస్ అధినేత్రి
శుక్రవారం గురుద్వారా నన్కానా సాహిబ్ వద్ద ఓ గుంపు అక్కడి సిక్కు యాత్రికులపై రాళ్లతో దాడి చేశారు.
ఇదీ చూడండి : బంగాల్లో కూలిన రైల్వేస్టేషన్ భవనం
