దేశవ్యాప్తంగా కరోనా వైరస్ విజృంభిస్తోంది. ఈ మహమ్మారి కేసుల సంఖ్యతో పాటు మృతులు కూడా అంతకంతకూ పెరుగుతున్నారు. వైరస్ కారణంగా దేశంలో మరో ఇద్దరు ప్రాణాలు కోల్పోయారు. ఫలితంగా కొవిడ్-19 మృతుల 29కి చేరింది. దేశవ్యాప్తంగా ప్రస్తుతం 942 యాక్టివ్ కేసులున్నట్లు కేంద్ర ఆరోగ్య శాఖ తెలిపింది. మరో 99 మంది కోలుకున్నట్లు వెల్లడించింది.
బంగాల్, గుజరాత్లో ఇద్దరు మృతి
బంగాల్లో కరోనా వైరస్తో మరొకరు వృత్యువాతపడ్డారు. డార్జిలింగ్ జిల్లాలోని కలియంపోంగ్కు చెందిన 44 ఏళ్ల మహిళ.. ఉత్తర బంగాల్ ప్రభుత్వ వైద్య కళాశాలలో చికిత్స పొందుతూ మరణించింది. మృతురాలు ఇటీవలే చెన్నై నుంచి తిరిగివచ్చినట్లు అధికారులు తెలిపారు. ప్రస్తుతం బంగాల్లో కొవిడ్-19 కేసుల సంఖ్య 21కి చేరింది. వీరిలో ఇద్దరు మృతి చెందారు.
గుజరాత్లోనూ మరొకరు ప్రాణాలు కోల్పోయారు. ఫలితంగా రాష్ట్ర వ్యాప్తంగా కరోనా మరణాలు సంఖ్య 6కు చేరింది.
మహారాష్ట్రలో 215
దేశంలో అత్యధిక కేసులు నమోదైన మహారాష్ట్రలో తాజాగా మరో 12 కేసులు బయటపడ్డాయి. ఇందులో పుణె-5, ముంబయి-3, నాగ్పుర్-2, కొల్హాపుర్, నాశిక్ నుంచి ఒక్కో కేసు నమోదయ్యాయి. వీటితో కలిపి రాష్ట్రంలో కొవిడ్-19 కేసుల సంఖ్య 215కు చేరినట్లు మహారాష్ట్ర ఆరోగ్యశాఖ వెల్లడించింది.
మధ్యప్రదేశ్లో 47
మధ్యప్రదేశ్లో మరో 8 మందికి కరోనా పాజిటివ్గా వచ్చింది. ఫలితంగా రాష్ట్రంలో కొవిడ్-19 కేసుల సంఖ్య 47కు చేరింది. తాజాగా నమోదైన వాటిలో ఇండోర్-7, ఉజ్జయిన్ నుంచి ఒకటి గుర్తించారు. 47 మందిలో ఇప్పటికే ఇద్దరు చికిత్స పొందుతూ మరణించారు.
పంజాబ్లో 39
మొహాలీలో 65 ఏళ్ల వృద్ధుడికి కరోనా పాజిటివ్గా వచ్చింది. అతడితో కలిపి పంజాబ్లో కొవిడ్-19 కేసుల సంఖ్య 39కి చేరింది. ఇందులో నవన్షహర్-19, మొహాలీ-7, హోషియాపుర్-6, జలంధర్-5, అమృత్సర్, లూధియానా నుంచి ఒక్కో కేసు నమోదయ్యాయి. పంజాబ్లో ఇప్పటివరకు ఇద్దరు చనిపోయారు. ఒకరు డిశ్చార్చ్ అయ్యారు.
గుజరాత్లో 69
గుజరాత్లో మరో ఆరుగురికి కరోనా పాజిటివ్గా తేలినందున.. రాష్ట్రంలో కొవిడ్-19 సోకినవారి సంఖ్య 69కి చేరింది.
రాజస్థాన్లో మరో కేసు
రాజస్థాన్లో జోధ్పుర్లోనూ 41 ఏళ్ల లడఖ్ స్థానికుడికి కరోనా పాజిటివ్గా వచ్చింది. ఫలితంగా రాష్ట్రవ్యాప్తంగా ఈ మహమ్మారి కేసుల సంఖ్య 60కి చేరింది
