చైనాలో పుట్టిన కరోనా వైరస్ ప్రపంచ దేశాలను వణికిస్తూ ఇప్పుడు భారత్నూ కలవరపెడుతోంది. ఇప్పటివరకు దేశంలో 75 మందికి కరోనా సోకగా, కర్ణాటకలో ఓ వ్యక్తి మరణించినట్లు కేంద్ర ఆరోగ్య మంత్రిత్వ శాఖ తెలిపింది. వైరస్ సోకిన వారిలో 17మంది విదేశీయులున్నారు. వారిలో 16మంది ఇటలీ పర్యటకులు, ఒకరు కెనాడాకు చెందినవారు.
కరోనాతో మృతి చెందిన వ్యక్తిని కలబురిగి వాసిగా గుర్తించారు అధికారులు. అతను సౌదీ అరేబియా నుంచి ఇటీవలే తిరిగివచ్చినట్లు వివరించారు.
దేశవ్యాప్తంగా..
దేశ రాజధాని దిల్లీలో 6 కేసులు నమోదు కాగా.. మహారాష్ట్రలో 11 మంది వైరస్ బారిన పడ్డారు. ఉత్తర్ప్రదేశ్లో 10 మందికి, కర్ణాటకలో ఐదుగురికి ఈ మహమ్మారి సోకింది. అత్యధికంగా కేరళలో 17 మందికి కరోనా పాజిటివ్గా తేలింది.
వైరస్ వ్యాప్తి నేపథ్యంలో ప్రజలు భయాందోళన చెందవద్దని కేంద్ర ప్రభుత్వం సూచించింది. వైరస్ సోకిన 75 మంది సుమారు 1500 మందిని కలిసినట్లు అధికారులు పేర్కొన్నారు. వారందరినీ వైద్య పర్యవేక్షణలో ఉంచినట్లు స్పష్టం చేశారు.
ఏ రాష్ట్రంలో ఎన్ని కేసులు..
| రాష్ట్రం | భారతీయులు | విదేశీయులు | నయమైనవి | మరణాలు |
| దిల్లీ | 6 | 0 | 0 | 0 |
| హరియాణా | 0 | 14 | 0 | 0 |
| కేరళ | 17 | 0 | 3 | 0 |
| రాజస్థాన్ | 1 | 2 | 0 | 0 |
| తెలంగాణ | 1 | 0 | 0 | 0 |
| ఉత్తర్ప్రదేశ్ | 10 | 1 | 0 | 0 |
| లద్దాక్( కేంద్ర పాలిత ప్రాంతం) | 3 | 0 | 0 | 0 |
| తమిళనాడు | 1 | 0 | 0 | 0 |
| జమ్ముకశ్మీర్( కేంద్ర పాలిత ప్రాంతం) | 1 | 0 | 0 | 0 |
| పంజాబ్ | 1 | 0 | 0 | 0 |
| కర్ణాటక | 5 | 0 | 0 | 1 |
| మహారాష్ట్ర | 11 | 0 | 0 | 0 |
| ఆంధ్రప్రదేశ్ | 1 | 0 | 0 | 0 |
| మొత్తం కేసులు | 58 | 17 | 3 | 1 |
