భారత విదేశీ వ్యవహారాల మంత్రి సుష్మాస్వరాజ్ , పాకిస్థాన్ సమాచార మంత్రి ఫవాద్ చౌదరికి మధ్య మాటల యుద్ధం జరిగింది. హోలీ రోజున హిందూ మతానికి చెందిన ఇద్దరు యువతుల్ని పాకిస్థాన్లోని సింధ్ ప్రాంతంలో బలవంతంగా ఇస్లాం మతంలోకి మార్చటమే ఈ మాటల యుద్ధానికి ప్రధాన కారణం.
ఈ బలవంతపు మత మార్పిళ్లపై భారత రాయబారి అజయ్ బిసరియా నుంచి నివేదిక కోరినట్లు ట్వీట్ చేశారు సుష్మా. ఈ ట్వీట్పై స్పందించారు పాకిస్థాన్ సమాచార మంత్రి ఫవాద్ చౌదరి.
" ఇది పాకిస్థాన్ అంతర్గత విషయం. మైనార్టీలను అణగదొక్కుతున్న మోదీ భారత్ కాదని గుర్తించాలి. ఇది ఇమ్రాన్ ఖాన్ నయా పాక్, మా జెండాలోని తెల్ల రంగు సమానత్వాన్ని సూచిస్తుంది. భారతీయ మైనార్టీల విషయంలోనూ ఇంతే శ్రద్ధతో వ్యవహరిస్తారని ఆశిస్తున్నాను" - ఫవాద్ చౌదరి, పాక్ మంత్రి
ఈ ట్వీట్కు స్పందించిన సుష్మ తను కేవలం బలవంతపు మత మార్పిడిపై నివేదిక మాత్రమే అడిగానని , కాని పాక్ మంత్రి స్పందన చూస్తే వారు తప్పు చేసినట్లు స్పష్టమవుతోందని సుష్మ వ్యాఖ్యానించారు.
అసలేం జరిగింది..?
సింధ్ ప్రాంతంలోని గోట్కి జిల్లాకు చెందిన ఇద్దరు యువతుల్ని బలవంతంగా అపహరించారు దుండగులు. తర్వాత వీరిని పెళ్లి చేసుకున్నట్లు వచ్చిన వీడియో వైరల్ అయింది. ఆ యువతులిద్దరూ ఇస్లాంను ఇష్టపూర్వకంగా అంగీకరిస్తున్నట్లు మరో విడియోను విడుదల చేశారు దుండగులు.
విషయం తెలియగానే సింధ్ ప్రాంతంలోని హిందువులు నిరసనలకు దిగినట్లు పాక్ మిడీయా కథనాలు వెలువరించింది. ఈ ఘటనపై పాక్ ప్రధాని ఇమ్రాన్ విచారణకు ఆదేశించారు. పాక్ సమాచార మంత్రి ఫవాధ్ చౌదరి పేర్కొన్నారు.
ఇదీ చూడండీ: 'లక్ష్యం సరే... ఆలోచన, ఆచరణ ఏవి?'
