కరోనా వైరస్తో దెబ్బతిన్న చైనా నగరం వుహాన్లో చిక్కుకున్న భారత పౌరులను తిరిగి స్వదేశానికి తీసుకురావడానికి భారత్ సన్నాహాలు చేస్తోంది. ఇందు కోసం వైద్య, సహాయ సామగ్రితో ప్రత్యేక ఐఏఎఫ్ విమానాన్ని చైనాకు నేడు పంపుతోంది.
"ప్రత్యేక విమానం ద్వారా వుహాన్లో ఉన్న మన పౌరులను భారత్కు రప్పించడానికి కృషి చేస్తున్నాం."
- భారత రాయబార కార్యాలయం
పొరుగువారికి కొంత సాయపడతాం
ఈ ప్రత్యేక విమానంలో 90 నుంచి 100 మంది భారతీయులను స్వదేశానికి తీసుకొచ్చే అవకాశం ఉంది. అలాగే పొరుగు దేశాల పౌరులను కూడా తరలించడానికి భారత్ సుముఖత వ్యక్తం చేసింది.
భారత వైమానిక దళానికి చెందిన సీ-17 గ్లోబ్మాస్టర్ వైద్య సామగ్రితో చైనాకు పంపడానికి భారత్ చాలా రోజులు ప్రయత్నించింది. అయితే చైనా అందుకు క్లియరెన్స్ ఇవ్వడం లేదని ఆవేదన వ్యక్తం చేసింది. అయితే ఈ వాదనను తోసిపుచ్చిన చైనా చివరికి భారత విమానానికి అనుమతి ఇచ్చింది.
చైనాను గడగడలాడిస్తున్న కొవిడ్ 19ను ఎదుర్కొనేందుకు అవసరమైన మెడికల్ గ్లౌజులు, సూట్లు, ఇతర సహాయ సామగ్రిని ఈ ప్రత్యేక విమానం తీసుకెళ్లనుంది. భారత్ ఇప్పటికే రెండు విమానాలతో 647 మంది భారత పౌరులను, ఏడుగురు మాల్డీవుల పౌరులను చైనా నుంచి తీసుకొచ్చింది.
మరణ మృదంగం
కరోనా వైరస్ వల్ల చైనాలో ఇప్పటి వరకు మరణించినవారి సంఖ్య 2,663కి చేరుకుంది. మరో 77,658 మందికి వైరస్తో బాధపడుతున్నారు.
ఇదీ చూడండి: కరోనా బారిన ఇరాన్ ఆరోగ్య మంత్రి
