రష్యా తయారు చేసిన కరోనా వ్యాక్సిన్ దిగుమతిపై సంప్రదింపులు జరుపుతున్నట్లు కేంద్ర ప్రభుత్వం ప్రకటించింది. లోక్సభలో ఆరోగ్య శాఖ సహాయ మంత్రి అశ్వినీ చౌబే ఈ విషయాన్ని వెల్లడించారు.
ప్రపంచ ఆరోగ్య సంస్థ ఇచ్చిన సమాచారం ప్రకారం ప్రపంచవ్యాప్తంగా 36 వ్యాక్సిన్లపై క్లినికల్ ప్రయోగాలు జరుగుతున్నాయని, అందులో భారత్కు చెందిన రెండు వ్యాక్సిన్లు ఉన్నాయని వివరించారు చౌబే. అయితే ఏవి కూడా తుది దశ ప్రయోగాలకు చేరుకోలేదని చెప్పారు.
ప్రాథమిక స్థాయి ప్రయోగాల్లో..
మరో ప్రశ్నకు ఆరోగ్య మంత్రి హర్షవర్ధన్ సమాధానమిస్తూ క్లినికల్ ట్రయల్స్లో ఉన్న రెండు వ్యాక్సిన్లు కాకుండా దేశంలో మరో 30 వ్యాక్సిన్లపై ప్రాథమిక స్థాయి ప్రయోగాలు జరుగుతున్నట్లు చెప్పారు. వివిధ కంపెనీలు, విద్యాసంస్థలు వీటిని తయారు చేస్తున్నట్లు తెలిపారు.
ఇదీ చూడండి: రష్యా టీకా తీసుకున్న వారిలో సైడ్ ఎఫెక్ట్స్!
