దేశంలోనే తొలి 'నాచు' గార్డెన్​- ఎక్కడుందో తెలుసా?

ఉత్తరాఖండ్​ అటవీశాఖ.. దేశంలోనే తొలి నాచు గార్డెన్​ను నైనిటాల్​ జిల్లాలో ఏర్పాటు చేసింది. నవంబర్​ 20న ప్రజలకు అందుబాటులోకి తెచ్చింది. అయితే ప్రస్తుతం కరోనా కేసులు పెరుగుతుండటం వల్ల అది మూతపడింది.

దేశంలోనే తొలి నాచు(మోస్​) గార్డెన్​ను నైనిటాల్​ జిల్లాలో ఏర్పాటు చేసింది ఉత్తరాఖండ్​ అటవీశాఖ. లింగాధర్​ గ్రామంలో ఒకటిన్నర హెక్టారుకుపైగా ప్రాంతంలో.. వివిధ రకాల జాతుల నాచుతో ఈ గార్డెన్​ను నిర్మించింది.

"నవంబర్​ 20న ఈ మోస్​ గార్డెన్​ను ప్రజలకు అందుబాటులో ఉంచాం. అయితే కరోనా కేసులు పెరుగుతున్న నేథ్యంలో గార్డెన్​ను మూసివేశాం. పరిస్థితి మెరుగుపడ్డాక గార్డెన్​ను మళ్లీ తెరుస్తాం."

--- నితిన్​ పంత్​, అటవీశాఖ అధికారి.

వివిధ జాతుల నాచులను పరిరక్షించే లక్ష్యంతోనే ఈ గార్డెన్​ను నిర్మించినట్టు నితిన్​ వెల్లడించారు. పర్యావరణంపై మోస్​ ప్రాముఖ్యతను వివరించేందుకు ఇది ఉపయోగపడుతుందని పేర్కొన్నారు.

దేశంలో తొలి మోస్​ గార్డెన్​

ఒకటిన్నర హెక్టార్లలో నాచు గార్డెన్​

నాచు రకాలు