జాగింగ్ చేసేవారు ఆ షూస్ వేసుకోవాలట - లేకపోతే గాయాల ముప్పు ఉంటుందట!

- వాకర్స్ ఏవిబడితే అవి ధరించొద్దట - ఎలాంటి షూ వేసుకోవాలో సూచిస్తున్న పరిశోధకులు!

Shoes to Avoid to Prevent Injury : చాలామందికి ఉదయాన్నే వాకింగ్​, జాగింగ్​ చేసే అలవాటు ఉంటుంది. కొంతమంది కాసేపు రన్నింగ్​ కూడా చేస్తుంటారు. ఇలా మార్నింగ్​ వ్యాయామం చేయడం వల్ల శారీరకంగా, మానసికంగా ఆరోగ్యంగా ఉంటాము. అయితే.. రన్నింగ్​ చేసేటప్పుడు సరైన షూలను ఎంపిక చేసుకోవాలని నిపుణులు సూచిస్తున్నారు. ముఖ్యంగా మడమల దగ్గర ఎత్తుగా ఉండే షూలను వేసుకుని రన్నింగ్​ చేయడం వల్ల గాయాలయ్యే అవకాశం ఎక్కువగా ఉందని తాజాగా ఓ పరిశోధనలో శాస్త్రవేత్తలు కనుగొన్నారు. దీనికి సంబంధించిన పూర్తి వివరాలు ఇప్పుడు చూద్దాం.

ఎన్నో రోజుల నుంచి రన్నింగ్​ ప్రాక్టీస్​ చేసేవారికి ఎటువంటి జాగ్రత్తలు పాటించాలో పూర్తి అవగాహన ఉంటుంది. కానీ, కొత్తగా రన్నింగ్​ మొదలు పెట్టేవారు ఇంట్లో ఉండే పాత షూలు, ఫ్యాషన్​ కోసం కొన్నవి వేసుకుని మార్నింగ్​ గ్రౌండ్​లో పరుగెడుతుంటారు. అయితే.. రన్నింగ్ ప్రాక్టీస్​ చేసే ముందు సరైన​​ జాగ్రత్తలు తీసుకోకపోతే.. మరుసటి రోజు మోకాళ్లు, మడమలు, చీలమండ దగ్గర తీవ్రమైన నొప్పులు వస్తాయి. దీంతో రన్నింగ్​ మధ్యలోనే ఆపేసే వారు ఎక్కువ మంది ఉంటారు. అయితే.. నార్మల్​గా ఈ నొప్పులు రోజూ రన్నింగ్​ చేయడం వల్ల కొన్ని రోజులకు తగ్గిపోతాయి!

రన్నింగ్​ చేసేవారు మడమల దగ్గర ఎత్తుగా ఉండే షూలు వేసుకుని ప్రాక్టీస్​ చేయడం వల్ల గాయాలయ్యే అవకాశం ఎక్కువగా ఉందని ఫ్లోరిడా విశ్వవిద్యాలయానికి చెందిన పరిశోధకులు గుర్తించారు. ఇలాంటి షూలు వేసుకుని రన్నింగ్​ చేసేటప్పుడు సరైన గ్రిప్​ దొరకదని అంటున్నారు. అలాగే పాదాలకు అసౌకర్యం కలుగుతుందని వారు గుర్తించారు. ఈ పరిశోధనలో దాదాపు 700 మంది రన్నింగ్ చేసే వారిని పరిశీలించారు. ఇందులో వారు వేసుకుని షూ రకం, ఆరోగ్య సమాచారాన్ని విశ్లేషించారు. అయితే, ఎత్తైన మడమలున్న షూలు వేసుకుని రన్నింగ్​ చేసేవారు నొప్పులు, గాయాలతో ఎక్కువగా బాధపడ్డారని కనుగొన్నారు. (రిపోర్ట్ కోసం ఇక్కడ క్లిక్ చేయండి)

ఎవరైనా సరే రన్నింగ్​ చేయాలనుకున్నప్పుడు ధర కాస్త ఎక్కువైనా మంచి షూలు కొనాలి. షూలు ఎలా ఉండాలంటే.. వాటిని వేసుకోగానే పాదాలకు సౌకర్యంగా ఉండి గ్రౌండ్లో అయినా లేదా రోడ్డు పక్కన పరుగెత్తాలని అనిపించాలని నిపుణులు సూచిస్తున్నారు.

అయితే.. రన్నింగ్​ చేసేవారు ఎత్తైన మడమలున్న వాటిని కాకుండా.. ఫ్లాట్​గా ఉండే షూలను ఎంపిక చేసుకోవాలని UF హెల్త్ స్పోర్ట్స్ పెర్ఫార్మెన్స్ సెంటర్ డైరెక్టర్ హీథర్ విన్సెంట్ సూచిస్తున్నారు. ఇవి వేసుకోవడం వల్ల పాదాలకు సౌకర్యంగా ఉంటుందని అంటున్నారు. అలాగే సరైన గ్రిప్​ లభించి గాయాలపాలయ్యే అవకాశం తక్కువగా ఉంటుందని అభిప్రాయపడ్డారు.

NOTE : ఇక్కడ మీకు అందించిన ఆరోగ్య సమాచారం, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ, వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.