భారత్లో కరోనా రక్కసి కోరలు చాస్తోంది. ఆందోళనకర స్థాయిలో రోజురోజుకూ కేసుల సంఖ్య పెరుగుతూనే ఉంది. తమిళనాట తాజాగా 5,980 మందికి వైరస్ సోకింది. ఫలితంగా మొత్తం బాధితుల సంఖ్య 3,43,945కు చేరింది. మరో 120 మరణాలతో... మృతుల సంఖ్య 5,886కు పెరిగింది. అయితే.. ఇప్పటివరకు ఆ రాష్ట్రంలో 2,83,937 మందికి వైరస్ నయమవ్వగా.. 54,122 మంది వివిధ ఆస్పత్రులలో చికిత్స పొందుతున్నారు.
ఉత్తర్ప్రదేశ్లో ఉగ్రరూపం..
యూపీలో కొత్తగా 4,186 కరోనా కేసులు బయటపడ్డాయి. మరో 69 మంది వైరస్ కారణంగా మృతిచెందారు. మొత్తం మరణాల సంఖ్య 2,515కు చేరింది. ఇప్పటివరకు ఆ రాష్ట్రంలో 1,04,808 మందికి వైరస్ నయమైంది.
ఒడిశాలో..
ఒడిశాలో తాజాగా 2,224 మందికి కొవిడ్ పాజిటివ్గా తేలింది. ఫలితంగా మొత్తం బాధితుల సంఖ్య 62,294కు ఎగబాకింది. మరో 10 మంది వైరస్కు బలవ్వగా.. మరణాల సంఖ్య 353కు చేరింది. ఆ రాష్ట్రంలో ఇప్పటివరకు 42,277 మంది వైరస్ను జయించి డిశ్చార్జ్ అయ్యారు. 19,611 మంది చికిత్స పొందుతున్నారని ఆరోగ్య శాఖ తెలిపింది.
రాజస్థాన్లో..
రాజస్థాన్లో తాజాగా మరో 693 మందికి కొవిడ్గా పాజిటివ్గా నిర్ధరణ అయింది. ఫలితంగా మొత్తం బాధితుల సంఖ్య 61,989కి చేరింది. మహమ్మారి కారణంగా మరో 10 మంది ప్రాణాలు కోల్పోగా, మరణాల సంఖ్య 886కు ఎగబాకింది.
కేరళలో..
కేరళలో కొత్తగా 1,725 మంది వైరస్ బారినపడ్డారు. మొత్తం కేసుల సంఖ్య 46 వేలు దాటింది. అయితే ఇప్పటివరకు ఆ రాష్ట్రంలో సుమారు 30 వేలమందికి పైగా కోలుకున్నట్లు రాష్ట్ర ఆరోగ్యశాఖ వెల్లడించింది.
| రాష్ట్రం | కొత్త కేసులు | మొత్తం బాధితులు |
| అరుణాచల్ ప్రదేశ్ | 43 | 2,701 |
| సిక్కిం | 19 | 1,167 |
| మణిపుర్ | 118 | 4,687 |
| జమ్ముకశ్మీర్ | 422 | 28,892 |
ఇదీ చదవండి: కరోనా కష్టాలు: వర్షంలో సైకిల్పై అంతిమయాత్ర!
