ఇండియన్ ఇన్స్టిట్యూట్ ఆఫ్ టెక్నాలజీ-మద్రాస్ మరో ఘనత సాధించింది. 2019 సంవత్సరానికి గానూ ఉన్నత విద్యాసంస్థల ర్యాంకింగ్లలో మొదటి స్థానంలో నిలిచింది. కేంద్ర మానవ వనరుల మంత్రిత్వ శాఖ ఈ ర్యాంకింగ్లను విడుదల చేసింది. తర్వాతి స్థానాల్లో ఐఐఎస్సీ బెంగళూరు, మిరండా హౌస్-దిల్లీ నిలిచాయి. యూనివర్సిటీ ఆఫ్ హైదరాబాద్ (హెచ్సీయూ) పదకొండో స్థానంలో ఉంది.
కొన్నేళ్లుగా మొదటి స్థానంలో నిలిచిన ఐఐఎస్సీ బెంగళూరు ఈ సారి రెండో స్థానానికి పడిపోయింది. మొదటి పది స్థానాల్లో 8 ఇంజినీరింగ్ కళాశాలలు ఉన్నాయి.
1. ఇండియన్ ఇన్స్టిట్యూట్ ఆఫ్ టెక్నాలజీ, మద్రాస్
2. ఇండియన్ ఇన్స్టిట్యూట్ ఆఫ్ సైన్సెస్, బెంగళూరు
3. మిరండా హౌస్, దిల్లీ
4. ఇండియన్ ఇన్స్టిట్యూట్ ఆఫ్ టెక్నాలజీ, బాంబే
5. ఇండియన్ ఇన్స్టిట్యూట్ ఆఫ్ టెక్నాలజీ, ఖరగ్పూర్
6. ఇండియన్ ఇన్స్టిట్యూట్ ఆఫ్ టెక్నాలజీ, కాన్పూర్
7. జవహార్ లాల్ నెహ్రూ విశ్వవిద్యాలయం, దిల్లీ
8. ఇండియన్ ఇన్స్టిట్యూట్ ఆఫ్ టెక్నాలజీ, రూర్కీ
9. ఇండియన్ ఇన్స్టిట్యూట్ ఆఫ్ టెక్నాలజీ, గువహటి
10. బెనారస్ హిందూ విశ్వవిద్యాలయం, వారణాసి
ఇవీ చూడండి:
మౌలిక వసతులు, ప్రయోగ శాలలు, విద్యా నాణ్యతలను పరిశీలించి ర్యాంకులను విడుదల చేసింది మంత్రిత్వ శాఖ. మొత్తంగా 4,867 సంస్థలు ర్యాంకింగ్కు దరఖాస్తు చేసుకోగా 3,127 ఎంపికయ్యాయి. అందులో వివిధ అంశాల వారీగా ర్యాంకులను ప్రకటించారు. వివిధ విభాగాల వారీగా మొదటి స్థానంలో నిలిచిన విద్యాసంస్థలు.
- విశ్వవిద్యాలయాల విభాగం- ఇండియన్ ఇన్స్టిట్యూట్ ఆఫ్ సైన్సెస్, బెంగళూరు
- ఇంజినీరింగ్ విభాగం- ఇండియన్ ఇన్స్టిట్యూట్ ఆఫ్ టెక్నాలజీ, మద్రాస్
- కళాశాలల విభాగం- మిరండా హౌస్, దిల్లీ
- మేనేజ్మెంట్ కళాశాల- ఇండియన్ ఇన్స్టిట్యూట్ ఆఫ్ మేనేజ్మెంట్, బెంగళూరు
- వైద్య కళాశాల- ఏయిమ్స్, దిల్లీ
- న్యాయ కళాశాల- నేషనల్ లా స్కూల్ ఆఫ్ ఇండియన్ యూనివర్సిటీ, బెంగళూరు
- నిర్మాణ రంగం- ఇండియన్ ఇన్స్టిట్యూట్ ఆఫ్ టెక్నాలజీ, ఖరగ్పూర్
- ఫార్మసీ విభాగం- జామియా హమ్దర్ద్, దిల్లీ
