భారత్కు రెండో బ్యాచ్ రఫేల్ యుద్ధ విమానాలు నవంబర్ 4వ తేదీన చేరుకోనున్నాయి. ఈ విడతలో మూడు జెట్లు రానున్నాయి. ఇవి ఫ్రాన్స్లో ఇస్ట్రెస్ నుంచి నేరుగా జామ్నగర్కు వస్తాయని ప్రభుత్వ వర్గాలు తెలిపాయి.
ఫ్రాన్స్ నుంచి మొత్తం 8 గంటలపాటు నాన్స్టాప్గా ప్రయాణించి భారత్కు చేరుకుంటాయి. ఈ మూడు రఫేల్ జెట్లకు మార్గం మధ్యలో ఫ్రెంచి వాయుసేన ఇంధనాన్ని నింపనుంది. ఇవి భారత్కు చేరితే మొత్తం 8 రఫేల్ యుద్ధ విమానాలు అందుబాటులో ఉంటాయి.
ప్రత్యేక శిక్షణకు బృందం..
ఇప్పటికే భారత వాయుసేన గతనెలలో యుద్ధ విమానాల రవాణా, పైలట్లకు శిక్షణ కోసం ఒక బృందాన్ని ఫ్రాన్స్‌కు పంపింది. దీనికి అసిస్టెంట్ చీఫ్ ఆఫ్ ఎయిర్స్టాఫ్ నేతృత్వం వహిస్తున్నారు.
భారత్, ఫ్రాన్స్ మధ్య 36 రఫేల్ జెట్ల కోసం రూ.59వేల కోట్ల ఒప్పందం కుదిరింది. ఇందులో భాగంగా తొలి విడతగా ఈ ఏడాది జులై 29న 5 యుద్ధ విమానాలు భారత్లోని అంబాలా వాయుస్థావరానికి చేరాయి. ప్రస్తుతం 3 వస్తుండగా.. మరో 28 జెట్లను 2021 చివరి నాటికి ఫ్రాన్స్ అందించనుంది.
ఇదీ చూడండి: భారత గడ్డపై రఫేల్- అంబాలా చేరిన శత్రు భీకర జెట్స్
