తమిళనాట మళ్లీ ఐటీ దాడుల కలకలం

తమిళనాడువ్యాప్తంగా పలు చోట్ల ఆదాయ పన్ను శాఖ సోదాలు నిర్వహించింది. ఎన్నికల కోసం పంచేందుకు డబ్బు తరలిస్తున్నారన్న అనుమానంతో 18 ప్రాంతాల్లో దాడులు చేసింది.

తమిళనాడులో 18 ప్రాంతాల్లో ఆదాయపు పన్ను శాఖ దాడులు నిర్వహించింది. చెన్నై, నమక్కల్​, తిరునెల్వెలిలో ఉదయం నుంచి సోదాలు చేస్తోంది. ఎన్నికల కోసం డబ్బులు తరలిస్తున్నారనే అనుమానంతో తనిఖీలు చేశారు అధికారులు.

మొదటగా చెన్నై, నమక్కల్​లో పీఎస్​కే ఇంజినీరింగ్ కన్​స్ట్రక్షన్​ సంస్థకు చెందిన కంపెనీల్లో సోదాలు చేసింది ఐటీ శాఖ. అనంతరం డబ్బును సరఫరా చేస్తున్నారన్న అనుమానంతో చెన్నై, తిరునెల్వెలిలోని పలు ఫైనాన్షియర్లు, దళారీల బృందాలపై దాడులు చేసింది.

తమిళనాడులో 39 లోక్​సభ స్థానాలకు ఈ నెల 18న ఎన్నికలు జరగనున్నాయి.

ఇదీ చూడండి: భారత్​ భేరి: రాజకీయ తెరపై హీరోయిన్లదే హవా