యోగా ప్రాముఖ్యతను భావితరాలకు తెలిపే దిశగా హరియాణా ప్రభుత్వం కీలక నిర్ణయం తీసుకుంది. వచ్చే విద్యాసంవత్సరం నుంచి రాష్ట్రంలోని అన్ని ప్రభుత్వ పాఠశాలల్లో యోగాను ప్రత్యేక సబ్జెక్ట్గా చేయనున్నట్టు రాష్ట్ర ముఖ్యమంత్రి మనోహర్ లాల్ ఖట్టర్ తెలిపారు. హరియాణా యోగా పరిషత్ ఛైర్మన్తో సంప్రదింపులు జరిపాక ముఖ్యమంత్రి ఈ నిర్ణయం తీసుకున్నారు. ఈ నిర్ణయంతో దేశంలోనే యోగాను పాఠ్యాంశంగా చేర్చిన మొదటి రాష్ట్రంగా హరియాణా నిలిచింది.
అంతేకాక ప్రతి నెలా మొదటి ఆదివారంరోజు 'యోగా ప్రశిక్షణ్ దివస్'ను నిర్వహించాలని నిర్ణయం తీసుకుంది హరియాణా ప్రభుత్వం. ప్రతి జిల్లా, బ్లాక్, మండలాల్లోని ప్రజలకు యోగా శిక్షణ ఇవ్వనుంది.
