భారత్తో పాటు అనేక దేశాల్లో కొవిడ్ టీకాలు అందుబాటులోకి వచ్చాయి. మరి దేశంలో వ్యాక్సినేషన్కు వినియోగిస్తున్న కొవాగ్జిన్, కొవిషీల్డ్ టీకాల సామర్థ్యం ఎంతకాలం వరకు ఉంటుందో తెలుసుకుందాం.
కొవిషీల్డ్ కథేంటి?
ఆక్స్‌ఫర్డ్‌-ఆస్ట్రాజెనెకా అభివృద్ధి చేసిన 'అడెనోవైరస్‌' వాక్సిన్‌ను భారత్‌లోని సీరమ్‌ ఇన్‌స్టిట్యూట్‌ ఆఫ్‌ ఇండియా ఉత్పత్తి చేస్తోంది. ఆక్స్‌ఫర్డ్‌ యూనివర్సిటీ ముఖ్య పరిశోధకురాలు ప్రొఫెసర్‌ సారా గిల్బర్ట్‌ చెబుతున్న దాని ప్రకారం.. ప్రాథమికంగా కొందరిపై ప్రయోగ పరీక్షలు నిర్వహించారు. ఆ ఫలితాలు బేరీజు వేశాక ఈ టీకా రెండు డోసులు వాడితే కొన్నేళ్లపాటు కరోనా దరి చేరదు. మనిషి శరీరంలో సహజసిద్ధంగా ఉత్పత్తి అయ్యే రోగ నిరోధకశక్తి కన్నా వాక్సిన్‌ ఎన్నోరెట్లు ప్రభావవంతంగా పని చేస్తుంది అన్నారామె.
- ఇదీ చూడండి: సీరం టీకా 'కొవిషీల్డ్' ప్రత్యేకతలివే...
మన సత్తా సంగతేంటి?
హైదరాబాద్కు చెందిన భారత్ బయోటెక్‌ రూపొందించిన కొవాగ్జిన్ మూడో దశ ప్రయోగాలు పూర్తి కాకుండానే ప్రభుత్వం నుంచి అత్యవసర అనుమతి పొందింది. ఈ టీకా సామర్థ్యంపై డీసీజీఐ పూర్తి నమ్మకం ఉంచింది. భారత్ బయోటెక్‌ విడుదల చేసిన పరిశోధక పత్రంలో తాము రూపొందించిన టీకాతో ఒక మనిషి శరీరంలో యాంటీబాడీలు ఆరు నెలల నుంచి ఏడాది పాటు ఉంటాయని సంస్థ ప్రకటించింది.
- ఇదీ చూడండి: కొవాగ్జిన్ గురించి ఈ విషయాలు తెలుసా?
