కరోనాపై పోరులో భాగంగా హిమాచల్ ప్రదేశ్ ప్రభుత్వం కీలక నిర్ణయం తీసుకుంది. నవంబర్ 24 నుంచి 4 జిల్లాల్లో రాత్రి కర్ఫ్యూ విధించనున్నట్లు స్పష్టం చేసింది.
ప్రభుత్వ విద్యాసంస్థలను డిసెంబర్ 31 వరకు తెరవకూడదని కేబినెట్ నిర్ణయించింది. నవంబర్ 26 నుంచి ఆన్లైన్ తరగతులు నిర్వహించాలని.. ఉపాధ్యాయులు ఇంటి నుంచే పాఠాలు బోధించాలని పేర్కొంది.
క్లాస్ 3, క్లాస్ 4 ప్రభుత్వ ఉద్యోగులు.. 50 శాతం మంది మాత్రమే కార్యాలయాలకు రావాలని ఆదేశించింది.
కరోనా కట్టడిలో భాగంగా.. ఇటీవల గుజరాత్ ప్రభుత్వం కూడా కఠిన నిబంధనలను అమలు చేసింది. కొవిడ్ హాట్స్పాట్గా ఉన్న అహ్మదాబాద్లో రాత్రి కర్ఫ్యూ విధించింది. దిల్లీలో బహిరంగ ప్రదేశాల్లో మాస్కు ధరించకుంటే.. రూ.2వేలు జరిమానా విధిస్తూ నిర్ణయం తీసుకున్నారు. మరికొన్ని రాష్ట్రాలూ.. ఇదే బాటలో పయనిస్తున్నాయి.
ఇదీ చూడండి: 'కరోనా కట్టడికి మీరు చేసిందేంటి?'
