హిమాచల్ ప్రదేశ్లో శుక్రవారం అర్ధరాత్రి నుంచి వర్షాలు జోరుగా కురుస్తున్నాయి. ఫలితంగా... లోతట్టు ప్రాంతాలు నీటమునిగాయి. అనేక చోట్ల కొండ చరియలు విరిగిపడి... రహదారులపై రాకపోకలు స్తంభించాయి. వరదల్లో చిక్కుకున్న వారిని సురక్షిత ప్రాంతాలకు చేర్చారు అధికారులు.
కాంగ్రా జిల్లాలో...
కాంగ్రా జిల్లాలో వరద ప్రభావం ఎక్కువగా ఉంది. పాలంపుర్లోని న్యూగల్ కడ్ సహా దాని ఉపనదులు ఉప్పొంగి... జనావాసాల్లోకి నీరు చేరింది. నూర్పుర్ గ్రామంలో కొండ చరియలు విరిగి... మూడు ఇళ్ల దెబ్బతిన్నాయి. భారీ వర్షాల వల్ల లాడ్వారాలో రహదారులు పూర్తిగా ధ్వంసమయ్యాయి. బాధితులకు సాయం అందించేందుకు అధికార యంత్రాంగం యుద్ధప్రాతిపదికన పనిచేస్తోంది.
హైడ్రో ప్రాజెక్టులో ఆరుగురు...
ఓం హైడ్రో ప్రాజెక్టులో ఆరుగురు చిక్కుకుపోయారు. అధికారులు సహాయక చర్యలు చేపట్టి వారిని బయటకు తీశారు.
కులులో....
కులు జిల్లాలో బియాస్ నది ఉగ్రరూపం దాల్చింది. భడాగ్రాన్వా వద్ద ఇద్దరు వరదలో చిక్కుకున్నారు. వారిని సహాయక సిబ్బంది రక్షించారు.
రోహ్తంగ్-మనాలీ రోడ్ బంద్!
కులు జిల్లాలోని కోక్సర్ వద్ద నాలా ఉప్పొంగి... రోహ్తంగ్-మనాలీ రహదారిపై రాకపోకలు నిలిచిపోయాయి.
ఇదీ చూడండి: మంత్రుల బృందం భేటీలో అణు విధానంపైనే చర్చ!
