భారీ వర్షాలకు బెంగళూరు అతలాకుతలం

భారీ వర్షాలు బెంగళూరును ముంచెత్తాయి. ఉదయం నుంచి కురుస్తున్న వర్షాలకు నగరంలోని పలు ప్రాంతాలు నీట మునిగాయి. జన జీవనం పూర్తిగా​ స్తంభించింది.

కర్ణాటక బెంగళూరులోని శివానంద సర్కిల్​, మైసూర్​ సర్కిల్, కేఎమ్ మార్కెట్​ ప్రాంతాల్లో విస్తారంగా వర్షాలు కురుస్తున్నాయి. రోడ్లన్నీ జలమయమయ్యాయి. మల్లతహళ్లీలోని శ్రీహరి, సిద్ధి అపార్ట్​మెంట్లలోకి నీరు చేరింది. యశ్వంత్​పూర్​ ప్రాంతంలో మాత్రం సాధారణ వర్షపాతం నమోదైంది.

రోడ్లన్నీ జలమయం

ఇళ్లలోకి చేరిన వరద నీరు

బెంగళూరులో భారీ వర్షాలు

భారీ వర్షాల కారణంగా ట్రాఫిక్​కు అంతరాయం ఏర్పడింది. నగరంలో సోమవారం నుంచి పలు స్కూళ్లు, కార్యాలయాలు తెరుచుకోవటం వల్ల విద్యార్థులు, ఉద్యోగులు ట్రాఫిక్​లో చిక్కుకుని తీవ్ర ఇబ్బందులు పడ్డారు.

భారీ వర్షాలకు నీట మునిగిన కాలనీలు