దేశంలో అన్లాక్ 1.0 కొనసాగుతున్న నేపథ్యంలో ప్రజలు బహిరంగ ప్రదేశాల్లో తిరిగే సమయంలో తీసుకోవాల్సిన జాగ్రత్తలపై నూతన మార్గదర్శకాలు జారీ చేసింది కేంద్రం. కార్యాలయాలు, హోటళ్లు, గుళ్లు- ప్రార్థనా స్థలాలు, షాపింగ్ మాళ్లలో పాటించాల్సిన జాగ్రత్తలను సూచించింది. అన్ని ప్రదేశాల్లో మాస్కులు, ప్రవేశద్వారాల్లో శానిటైజర్లను తప్పనిసరి చేసింది. భౌతికదూరం నిబంధనలను కచ్చితంగా పాటించాలని వెల్లడించింది.
కార్యాలయాల్లో..
శరీర ఉష్ణోగ్రత 24-30 డిగ్రీల సెల్సియస్ ఉన్నవారినే కార్యాలయాల్లోకి అనుమతించాలని కంటైన్మెంట్ జోన్ పరిధిలో ఉన్న ఉద్యోగులు విధిగా యాజమాన్యానికి తమ ఆరోగ్య వివరాలను తెలపాలి.
గుళ్లు-ప్రార్థనాస్థలాల్లో..
ప్రజలు లోపలికి వచ్చేందుకు.. బయటకు వెళ్లేందుకు వేర్వేరు దారులను ఏర్పాటు చేయాలి. మాస్కులు ధరిస్తేనే మత ప్రదేశాల్లోకి అనుమతించాలి.
హోటళ్లలో..
పెద్ద హోళ్లలో సేవలు అందించకూడదు. ప్రత్యేక గదుల్లో భోజనం అందించే విధానాన్ని పాటించాలి. కిచెన్ ప్రాంతాన్ని ఎప్పటికప్పుడు శుభ్రం చేస్తుండాలి. జనాభా రద్దీ నియంత్రణకు ప్రత్యేక ఏర్పాట్లు చేసుకోవాలి.
షాపింగ్ మాళ్లలో..
వయస్సు మీద పడిన ఉద్యోగులు, అనారోగ్యంగా ఉండేవారిని ప్రజలతో మమేకమయ్యే విధుల్లో ఉంచకూడదని చెప్పింది ఆరోగ్య శాఖ.
ఇదీ చూడండి: బ్రహ్మోస్ ఆదాయం అంతా క్షిపణి అభివృద్ధికే!
