సామాజిక మాధ్యమాల్లో విధివిధానాలకు సంబంధించి కేంద్రం, ట్విట్టర్కు నోటీసులు పంపింది దిల్లీ హైకోర్టు. సెన్సార్షిప్ నిబంధనలను కేంద్రం రూపొందించేలా ఆదేశాలివ్వాలని సీనియర్ న్యాయవాది సంజయ్ హెగ్డే వ్యాజ్యం దాఖలు చేశారు.
హెగ్డే వ్యాజ్యాన్ని విచారించిన న్యాయస్థానం.. కేంద్రం, ట్విట్టర్ స్పందించాలని ఆదేశించింది. తదుపరి విచారణను ఫిబ్రవరి 11కు వాయిదా వేసింది.
ట్విట్టర్లో తన ఖాతాను శాశ్వతంగా తొలగించినందుకు న్యాయస్థానాన్ని ఆశ్రయించారు హెగ్డే. రెండు పోస్టులను రీట్వీట్ చేసినందుకు ట్విట్టర్ ఈ చర్య తీసుకుందని ఆయన ఆరోపించారు. ఈ నేపథ్యంలో సామాజిక మాధ్యమాల్లో ప్రచురణ నిబంధనలను కేంద్రం నిర్ణయించాలని హెగ్డే కోరారు.
