కరోనా వైరస్పై అవగాహన కోసం ప్రభుత్వం ఏర్పాటుచేసిన వాట్సాప్ చాట్బాట్ హెల్ప్డెస్క్ను దేశంలోని రెండు కోట్లమంది వినియోగించుకున్నట్లు వెల్లడించింది హాప్టిక్ ఇన్ఫోటెక్ సంస్థ. కృత్రిమ మేధస్సుతో పనిచేసే ఈ చాట్బాట్ ఏర్పాటు కోసం రిలయన్స్ జియో 87 శాతం పెట్టుబడులు పెట్టింది. ఇప్పటివరకు చాట్బాట్ ద్వారా 2 కోట్లమంది వినియోగదారులు.. 5,50,00,000 సంక్షిప్త సందేశాలను పంపించినట్లు వెల్లడించింది సంస్థ.
"రిలయన్స్ జియో, హాఫ్టిక్ ద్వారా ఏర్పాటయిన కరోనా హెల్ప్డెస్క్ కోట్లమందిలోని భయాలు పోగొట్టేందుకు కారణమైంది. మీ సందేహాలను +919013151515 నంబర్కు వాట్సాప్ చేయడం ద్వారా నివృత్తి చేసుకోవచ్చు."
-హాప్టిక్ ఇన్ఫోటెక్ ట్వీట్
వాట్సాప్ చాట్బాట్ను ఏర్పాటుచేసిన ఒక్కవారంలోనే కోటి నలభై లక్షలమంది ఈ సదుపాయాన్ని వినియోగించుకున్నారని.. రెండు వారాల్లో ఈ సంఖ్య రెండు కోట్లకు పెరిగిందని తెలిపారు. ఈ హెల్ప్డెస్క్ను ఉచితంగా వినియోగించుకోవచ్చని తెలిపింది హాప్టిక్. ఈ సౌకర్యాన్ని హిందీ, ఇంగ్లీషు భాషల్లో అందుబాటులో ఉంచినట్లు పేర్కొంది.
ఇదీ చూడండి: కరోనా కాలంలో ఓసీడీ 'మహానుభావుల' పరిస్థితి ఇలా...
