భారత్ దెబ్బకు తెల్ల జెండాలతో పాక్ సేనల పరుగులు

కశ్మీర్​ హాజీపుర్​ సెక్టార్​లో కాల్పుల విరమణ ఒప్పందాన్ని ఉల్లంఘించిన పాకిస్థాన్​కు భద్రతాదళాలు గట్టిగా బుద్ధి చెప్పాయి. ఇద్దరు పాక్ సైనికులను హతమార్చాయి. పాక్ తెల్ల జెండా చూపి తన సైనికుల మృత దేహాలను స్వాధీనం చేసుకుంది.

జమ్ముకశ్మీర్ హాజీపుర్​ సెక్టార్​లో జరిగిన ఎదురుకాల్పుల్లో భద్రతా దళాలు ఇద్దరు పాకిస్థాన్ సైనికులను హతమార్చాయి. తప్పు గ్రహించిన దాయాది తెల్ల జెండా చూపి.. తన సైనికుల మృత దేహాలను స్వాధీనం చేసుకుంది.

ఈ నెల 10, 11వ తేదీల్లో పాకిస్థాన్​ కాల్పుల నియంత్రణ ఒప్పందాన్ని ఉల్లఘించి హాజీపుర్​ సెక్టార్​ వెంబడి దాడులు నిర్వహించింది. దీటుగా స్పందించిన భద్రతా దళాలు ఇద్దరు పాక్​ సైనికులను మట్టుబెట్టాయి. అంతర్జాతీయ యుద్ధ నియమాల ప్రకారం... తెల్ల జెండా చూపిన పాకిస్థాన్​కు వారి సైనికులను తీసుకునిపోయే వీలు కల్పించింది భారత సైన్యం.

ఇదీ చూడండి: రోగిని 25 కి.మీ మోసుకెళ్లిన గ్రామస్థులు!