దిశ: 'నిబంధనలు కఠినతరం చేసేందుకు కేంద్రం సిద్ధం!

హైదరాబాద్​ దిశ హత్యాచార ఘటనపై దిగ్భ్రాంతి వ్యక్తం చేశారు రాజ్​నాథ్​. ఈ ఉదంతం దేశానికే సిగ్గుచేటని అభిప్రాయపడ్డారు. మహిళలపై జరగుతున్న అఘాయిత్యాలపై చర్చించేందుకు కేంద్రం సిద్ధంగా ఉందని లోక్​సభ వేదికగా స్పష్టం చేశారు.

దేశవ్యాప్తంగా కలకలం సృష్టించిన హైదరాబాద్​ పశువైద్యురాలు దిశ హత్యాచార ఘటనపై లోక్​సభ వేదికగా స్పందించారు రక్షణశాఖ మంత్రి రాజ్​నాథ్​ సింగ్​. ఈ ఉదంతం దేశానికి సిగ్గుచేటని అభిప్రాయపడ్డారు.

మహిళలపై అకృత్యాలకు పాల్పడుతున్న నిందితులను కఠినంగా శిక్షించేందుకు చట్టంలోని నిబంధనల మార్పుపై చర్చించేందుకు ప్రభుత్వం సిద్ధంగా ఉందని స్పష్టం చేశారు రక్షణమంత్రి.