చలిపంజాకు జమ్ముకశ్మీర్ విలవిల్లాడుతోంది. మైనస్ ఉష్ణోగ్రతలతో అక్కడి ప్రజానీకం గజగజ వణుకుతోంది. ఎక్కడికక్కడ నీరు... మంచులా మారుతోంది. తాజాగా శ్రీనగర్లో పర్యటకంగా ప్రాముఖ్యం పొందిన దాల్ సరస్సు పాక్షికంగా గడ్డకట్టింది.
గడ్డకట్టి సరికొత్తగా దర్శనమిస్తోన్న సరస్సును చూసేందుకు పర్యటకులు తరలివస్తున్నారు.
ఇక్కడకు నేను ఎప్పుడూ రాలేదు. దాల్ సరస్సును ఇప్పుడు చూద్దామని వస్తే అది చలికి గడ్డకట్టింది. వాతావరణం చాలా చల్లగా ఉంది. ఈ ప్రాంతం ఒక స్వర్గంలా ఉంది. ఇక్కడికి రావడం నాకు ఆనందంగా ఉంది.
-పర్యటకుడు
నేను ఇక్కడకు ఇది వరకు వచ్చా. సరస్సును చూశా. మా నాన్న 1964లోనే వచ్చారు. ఇప్పుడు కుటుంబ సభ్యులతో కలిసి వచ్చా. కశ్మీర్కు వస్తే స్వర్గానికి వచ్చిన అనుభూతి కలుగుతుంది.
-పర్యటకురాలు
