నిజామాబాద్ కాంగ్రెస్ పార్టీ మాజీ ఎంపీ మధుయాస్కీ గౌడ్ ఫిర్యాదుతో దిల్లీ అంతర్జాతీయ విమానాశ్రయంలో హోం క్వారంటైన్ స్టాంపింగ్లో కొత్త సిరాను ఉపయోగిస్తున్నారు.
శనివారం విదేశాల నుంచి దిల్లీకి చేరుకున్న యాస్కీకి... హోం క్వారంటైన్ స్టాంప్ వేశారు అధికారులు. అయితే దీని వల్ల నొప్పి, దురద వచ్చాయి. ఈ విషయాన్ని ట్విట్టర్ వేదికగా కేంద్రం దృష్టికి తీసుకెళ్లారు. ఈ మేరకు స్పందించిన అధికారులు... కొత్త సిరాను వాడుతున్నట్లు తెలుస్తోంది.
మంత్రి జోక్యంతో...
'విదేశాలను నుంచి వస్తున్న ప్రయాణికులకు వేస్తున్న సిరాలో రసాయనాలను పరీక్షించగలరా?' అంటూ ట్వీట్ చేశారు యాస్కీ.
'దీనిపై నేను విమానాశ్రయ అధికారులతో మాట్లాడాను' అని బదులిచ్చారు పౌర విమానయాన మంత్రి హార్దీప్ సింగ్ పూరి.
నిబంధనల ప్రకారం విదేశాల నుంచి దిల్లీ చేరకున్న ప్రయాణికులకు ఏడు రోజులు సంస్థాగతమైన క్వారంటైన్, మరో ఏడురోజులు హోం క్వారంటైన్లో ఉండాలి. ప్రయాణానికి 96 గంటల ముందు కొవిడ్ పరీక్షల్లో నెగెటివ్ వచ్చిన వారికి సంస్థాగతమైన నిర్బంధం నుంచి మినహాయింపు ఇస్తారు.
ఇదీ చూడండి: 'రైతులను అంతం చేయడానికే వ్యవసాయ చట్టాలు'
