భారత్ను ఆసియా వ్యూహాత్మక భాగస్వామిగా అభివర్ణించింది ఫ్రాన్స్. ఆ దేశ రక్షణమంత్రి ఫ్లోరెన్స్ పార్లె గురువారం భారత్లో పర్యటించనున్న నేపథ్యంలో ఫ్రాన్స్ ఈ వ్యాఖ్యలు చేసింది. ఇరు దేశాల మధ్య రక్షణ సహకారాన్ని మరింత బలపరుచుకునేందుకు పార్లె పర్యటన ఉపయోగపడుతుందని ఆశాభావం వ్యక్తం చేసింది.
తొలి బ్యాచ్ రఫేల్ విమానాలను భారత వాయుసేనలో అధికారికంగా చేర్చేందుకు అంబాలా ఎయిర్బేస్లో ఏర్పాటు చేసిన కార్యక్రమం కోసం గురువారం భారత్కు రానున్నారు పార్లె.
పర్యటనలో భాగంగా రక్షణమంత్రి రాజ్నాథ్, జాతీయ భద్రతా సలహాదారు అజిత్ డోభాల్తో సమావేశంకానున్నారు పార్లె. ఇండో-పసిఫిక్ ప్రాంతంలో భద్రత, ఉగ్రవాద నిరోధక చర్యల్లో సహకారం, ద్వైపాక్షిక రక్షణ భాగస్వామ్యం బలోపేతం దిశగా వీరి మధ్య చర్చలు జరగనున్నట్టు ఫ్రాన్స్ రాయబార కార్యాలయం ఓ ప్రకటన విడుదల చేసింది.
గత కొన్నేళ్లలో భారత్- ఫ్రాన్స్ మధ్య మైత్రి మరింత బలపడింది. కీలక రంగాల్లో ఒప్పందాలు, సహకారాలతో ఇరు దేశాలు తమ బంధాన్ని దృఢ పరుచుకుంటున్నాయి.
ఇదీ చూడండి:- గగన్యాన్ వ్యోమగాములకు ఫ్రాన్స్ పరికరాలు
