నలుగురు హిజ్బుల్ ముజాహిదీన్ ఉగ్రవాదులు హతం
జమ్ముకశ్మీర్లోని పుల్వామా, బారాముల్లాల్లో జరిగిన రెండు వేర్వేరు ఎన్కౌంటర్లలో భద్రతా బలగాలు నలుగురు ఉగ్రవాదులను మట్టుబెట్టాయి. మృతుల్లో గత ఏడాది జవాన్ ఔరంగజేబును బలిగొన్న ఉగ్రవాది షౌకత్ దర్ కూడా ఉన్నాడని పోలీసులు తెలిపారు.
పుల్వామా జిల్లాలో ఉగ్రవాదులు నక్కి ఉన్నారన్న పక్కా సమాచారంతో శనివారం పోలీసులు, భద్రతా దళాలు తనిఖీలు చేపట్టాయి. ఆ సమయంలో జరిగిన ఎదురుకాల్పుల్లో హిజ్బుల్ ముజాహిదీన్ ఉగ్రసంస్థకు చెందిన ముగ్గురు ముష్కరులను భద్రతాదళాలు మట్టుబెట్టాయి. బారాముల్లా సొపొరే పట్టణంలో మరో ఉగ్రవాదినీ హతమార్చాయి. ఘటనా స్థలం నుంచి ఆయుధాలు, మందుగుండు సామగ్రిని స్వాధీనం చేసుకున్నామని పోలీసులు తెలిపారు.
ఇదీ చూడండి: రేపటి వరకు యోగముద్రలోనే 'మోదీ బాబా'
