కశ్మీర్​ ఎన్​కౌంటర్​లో నలుగురు ముష్కరులు హతం

జమ్ము కశ్మీర్ షోపియాన్​లో జరిగిన ఎన్​కౌంటర్​లో నలుగురు ముష్కరులు హతమయ్యారు. షోపియాన్​లో ఉగ్రవాదులు ఉన్నారన్న పక్కా సమాచారంతో భద్రతా దళాలు నిర్బంధ తనిఖీలు చేపట్టాయి.

దీనితో ముష్కరులు ఒక్కసారిగా కాల్పులకు తెగబడ్డారు. దీటుగా స్పందించిన భద్రతా దళాలు తొలుత ముగ్గురు ఉగ్రవాదుల్ని మట్టుబెట్టాయి. అనంతరం మరో ముష్కరుడూ హతమయ్యాడు. ఆపరేషన్​ కొనసాగుతున్నట్లు అధికారులు వెల్లడించారు.