'మహా' బల పరీక్షలో 'మహా వికాస్ అఘాడీ' నెగ్గడం లాంఛనమేనని ముందు నుంచి ఊహించినట్లుగానే జరిగింది. ఉద్ధవ్ ఠాక్రే నేతృత్వంలోని సర్కారుకు మద్దతుగా 169 మంది ఎమ్మెల్యేలు ఓటు వేశారు.
బల పరీక్ష తీర్మానాన్ని కాంగ్రెస్ నేత అశోక్ చవాన్ సభలో ప్రవేశపెట్టారు. ప్రభుత్వాన్ని శివసేన నేత సునీల్ ప్రభు, ఎన్సీపీ నేత నవాబ్ మాలిక్ బలపరిచారు. ప్రొటెం స్పీకర్ దిలిప్ వాల్సే పాటిల్ ఓటింగ్ నిర్వహించారు. సర్కారుకు మద్దతుగా నిలిచిన ఎమ్మెల్యేలను లెక్కించారు స్పీకర్. అనంతరం పరీక్షలో సర్కారు నెగ్గినట్లు ప్రకటించారు. నలుగురు ఎమ్మెల్యేలు తటస్థంగా ఉన్నట్లు తెలిపారు.
భాజపా సభ్యులు లేకుండానే మహారాష్ట్ర అసెంబ్లీలో బల పరీక్ష నిర్వహించారు.
భాజపా వాకౌట్..
బల పరీక్ష తీర్మానం ప్రవేశపెట్టిన క్రమంలో మాజీ ముఖ్యమంత్రి, భాజపా నేత దేవేంద్ర ఫడణవీస్ ప్రభుత్వంపై విమర్శలు చేశారు. సభ నుంచి ఫడణవీస్తో పాటు భాజపా సభ్యులు వాకౌట్ చేశారు. నిబంధనలు ఉల్లంఘించి సభ నిర్వహిస్తున్నారని.. వందేమాతరం పాడకుండానే సభ ప్రారంభించడమేంటని ప్రశ్నించారు ఫడణవీస్. ఎన్సీపీ నేత దిలీప్ వాల్సేను ప్రొటెం స్పీకర్గా ఎన్నుకోవటాన్ని తప్పుపట్టారు భాజపా నేత.
