టేకాఫ్​లో సాంకేతిక లోపం- గడ్కరీకి తప్పిన ముప్పు

టేకాఫ్​ సమయంలో సాంకేతిక లోపం సంభవించి నాగ్​పుర్​- దిల్లీ విమానం నిలిచిపోయింది. ఈ ఘటన నాగ్​పుర్​ విమానాశ్రయంలో మంగళవారం ఉదయం జరిగింది. విమానంలో కేంద్ర రవాణా మంత్రి నితిన్​​ గడ్కరీ ఉన్నారు.

కేంద్ర రవాణా శాఖ మంత్రి నితిన్​​ గడ్కరీకి పెనుప్రమాదం తప్పింది. మహారాష్ట్రలోని నాగ్​పుర్​ విమానాశ్రయంలో ఆయన ప్రయాణిస్తున్న ఇండిగో విమానంలో సాంకేతిక లోపం తలెత్తింది. వెంటనే గుర్తించిన పైలట్​ టేకాఫ్​ను నిలిపివేశాడు.

ఈ రోజు ఉదయం ఇండిగో 6ఈ-636లో గడ్కరీ నాగ్​పుర్​ నుంచి దిల్లీకి వెళ్లాల్సి ఉంది. విమానంలో కేంద్ర మంత్రి ఉన్నట్లు ఆయన కార్యాలయ వర్గాలు ధ్రువీకరించాయి.

ఇదీ చూడండి:- సిరిమల్లె పువ్వా.. చిరకాలం గుర్తుండిపోవా..!