ముంబయిలో అగ్నిప్రమాదం.. ముగ్గురికి గాయాలు
ముంబయి మలబార్ హిల్ ప్రాంతంలోని ఓ 15 అంతస్తుల భవనంలో చెలరేగిన మంటలను అగ్నిమాపక సిబ్బంది అదుపు చేసింది. ఈ ఘటనలో ముగ్గురు గాయపడ్డారు.
18 మంది సురక్షితం...
మంగళవారం రాత్రి పాల్మా భవనంలోని 5వ అంతస్తుల్లో ఒక్కసారిగా మంటలు చెలరేగాయి. వెంటనే కింది అంతస్తులకు వ్యాపించాయి. స్థానికులు అగ్నిమాపక సిబ్బందికి సమాచారం అందించారు. రంగంలోకి దిగిన సిబ్బంది 8 అగ్నిమాపక శకటాలతో మంటలను అదుపు చేశారు. భవనంలో చిక్కుకున్న 18 మందిని రక్షించారు. ఈ ఘటనలో ముగ్గురు అగ్నిమాపక సిబ్బంది గాయపడ్డారు.
ఇదీ చూడండి : అరటి చెట్టుతో జీవ విద్యుత్.. యువ మేధావి ప్రతిభ
