డిప్యూటీ కలెక్టర్​పై దాడి.. ఎఫ్​ఐఆర్​ నమోదు

పౌరసత్వ చట్టానికి మద్దతుగా చేస్తున్న ర్యాలీని అడ్డుకున్న డిప్యూటీ కలెక్టర్​ జుట్టు పట్టుకొని లాగిన ఘటన మధ్యప్రదేశ్​ రాజ్​గఢ్​​ జిల్లాలో చోటు చేసుకుంది. ఈ చర్యకు పాల్పడిన ఇద్దరు వ్యక్తులపై పోలీసులు ఎఫ్​ఐఆర్​ నమోదు చేశారు. నిందితుల్లో ఒకరిని అరెస్టు చేసినట్లు అధికారులు తెలిపారు.

మధ్యప్రదేశ్‌లోని రాజ్​గఢ్‌లో డిప్యూటీ కలెక్టర్‌ ప్రియా వర్మ జుట్టు పట్టుకొని లాగి దాడి చేసిన ఘటనలో ఇద్దరిపై పోలీసులు కేసు నమోదు చేశారు. ఈ ఇద్దరి నిందితుల్లో ఒకరిని పోలీసులు అరెస్టు చేశారు. 144 సెక్షన్‌ అమల్లో ఉన్నా నిరసన ప్రదర్శన నిర్వహించినందుకు... 124 మంది భాజపా నేతలపై కూడా పోలీసులు కేసు నమోదు చేశారు. ఇందులో 17 మందిని అరెస్టు చేశారు.

పౌరసత్వ సవరణ చట్టానికి మద్దతుగా భారతీయ జనతా పార్టీ కార్యకర్తలు..... ఆదివారం భారీ ప్రదర్శన నిర్వహించారు. జాతీయ పతాకాలతో ప్రదర్శన నిర్వహిస్తున్న వారిని రాజ్​గఢ్​ కలెక్టర్‌ నివేదిత, డిప్యూటీ కలెక్టర్‌ ప్రియా వర్మ అడ్డుకున్నారు. దీంతో ఉద్రిక్త పరిస్థితులు ఏర్పడ్డాయి. ఈ వాగ్వాదంలో... నిరసనకారుల్లో ఇద్దరు ప్రియావర్శ జుట్టు పట్టుకొని లాగారు.

ఇదీ చూడండి: ఫుట్​బాల్​ స్టేడియం గ్యాలరీ కూలి 50 మందికి గాయాలు