నాలుగేళ్ల కూతురిపై తండ్రి అత్యాచారం

ఉత్తర్​ప్రదేశ్​ హర్దోయీలో నాలుగేళ్ల కూతురిపై తండ్రి అత్యాచారానికి పాల్పడ్డాడు. అడ్డుచెప్పిన భార్యను చంపేస్తానని బెదిరించాడు. భర్త ఇంట్లో లేని సమయంలో పోలీసులకు సమాచారం ఇవ్వగా.. కేసు నమోదు చేసి నిందితుడిని అరెస్టు చేశారు.

ఉత్తర్​ప్రదేశ్​ హర్దోయీ జిల్లాలోని కాసీంపుర్​లో దారుణం జరిగింది. నాలుగేళ్ల కూతురిపై ఓ కామాంధుడు అత్యాచారానికి పాల్పడ్డాడు. ఇంట్లో ఎవరూ లేని సమయంలో ఈ ఘాతుకానికి తెగబడ్డాడు. బయటినుంచి వచ్చి అతని భార్య అడ్డగించగా.. ఇద్దరినీ చంపేస్తానని బెదిరించాడు.

ఆ తండ్రి ఇంటి నుంచి బయటికి వెళ్లాక.. పోలీసులకు సమాచారం ఇచ్చింది అతని భార్య. సంఘటనా స్థలానికి చేరుకున్న పోలీసులు.. బాలికను ఆసుపత్రిలో చేర్చారు. పోక్సో చట్టం కింద కేసు నమోదు చేసి నిందితుడిని అరెస్టు చేశారు.

మరోచోట లైంగికదాడి..

మధ్యప్రదేశ్​ సెహోర్ జిల్లాలోని జవార్ పోలీస్ స్టేషన్ పరిధిలో అడవిలో కట్టెల కోసం వెళ్లిన మహిళపై ఇద్దరు వ్యక్తులు అత్యాచారానికి పాల్పడ్డారు. బాధితురాలి ఫిర్యాదుతో కేసు నమోదు చేసుకున్న పోలీసులు.. నిందితుల కోసం గాలిస్తున్నారు.

ఇదీ చూడండి: 40రోజుల పసికందును గొంతు కోసి చంపిన తల్లి