వేలు కాదు, వందలూ కాదు.. కేవలం రూ. 3.46 అప్పు చెల్లించేందుకు ఓ వ్యక్తి ఏకంగా 15 కిలోమీటర్లు నడిచాడు. వినడానికి కాస్త ఆశ్చర్యంగా ఉన్న ఇది నిజం. కర్ణాటక శివమొగ్గ జిల్లా నిట్టూర్ ప్రాంతంలోని లక్ష్మీ నారాయణ అనే రైతు ఈ పని చేశారు.
ఎందుకంటే..
కెనరా బ్యాంక్ నుంచి రూ. 35,000 రుణం తీసుకున్నారు అమాదే గ్రామవాసి లక్ష్మీ నారాయణ. ఇందులో రూ.32,000 రుణమాఫీ కాగా.. ఇప్పటికే రూ.3వేలు వడ్డీగా చెల్లించారు.
అయితే.. తక్షణమే రావాలని అతడికి బ్యాంక్ నుంచి ఫోన్ వచ్చింది. బ్యాంక్ ఫోన్ కదా అని అలసత్వం ప్రదర్శించకుండా అమాదే గ్రామం నుంచి నిట్టూర్ బ్యాంకుకు వెళ్లారు. తీరా అక్కడికి వెళ్లాక, అసలు విషయం తెలిసింది. మీరు ఇంకా బ్యాంకుకు రూ.3.46 చెల్లించాలని బ్యాంకు సిబ్బంది చెప్పగా.. నివ్వెరపోవడం లక్ష్మీ నారాయణ వంతైంది.
అసంతృప్తితో..
బ్యాంకు బకాయి కట్టేటప్పుడు ఈ విషయం గురించి ప్రస్తావించలేదని చెప్పారు లక్ష్మీ నారాయణ. ఇదే విషయం ఫోన్లోనే చెప్పి ఉంటే తన మిత్రుల ద్వారా చెల్లించేవాడినని బ్యాంకు సిబ్బందిపై అసంతృప్తి వ్యక్తం చేశారు.
ఇదీ చదవండి: సీఎం ఇంటి ముందే యువకుడి ఆత్మాహుతి యత్నం
