వరద నుంచి చిన్నారిని కాపాడిన ఈటీవీ భారత్ రిపోర్టర్

బిహార్​ గోపాల్​గంజ్ జిల్లా విష్ణుపురలో వరదల్లో చిక్కుకున్న ఓ చిన్నారిని వెన్నుపై మోసి సురక్షిత ప్రాంతానికి చేర్చాడు ఈటీవీ భారత్ రిపోర్టర్. అనంతరం అతని ఇంటికి తీసుకెళ్లి ఆశ్రయం కల్పించి సహృదయాన్ని చాటుకున్నాడు.

బిహార్ గోపాల్​గంజ్​ జిల్లాలో వరద బీభత్సంపై వార్తలు సేకరించేందుకు వెళ్లిన ఓ ఈటీవీ రిపోర్టర్ తన సహృదయాన్ని చాటుకున్నాడు. జిల్లాలోని విష్ణుపుర గ్రామం పూర్తిగా నీటమునిగిన నేపథ్యంలో ఛాతీ లోతు ఉన్న నీటిలో ఓ బాలుడిని వీపుపై ఎక్కించుకుని తన స్వగృహానికి తీసుకెళ్లాడు.

క్షేత్రస్థాయిలో వరద పరిస్థితిపై వార్తలు సేకరించేందుకు వెళ్లిన రిపోర్టర్ అటల్ బిహారీ పాండే ఈ సాహసం చేశాడు.

అయితే గ్రామాన్ని పూర్తిస్థాయిలో వరద ముంచెత్తిన నేపథ్యంలో అక్కడివారికి ఉండేందుకు చోటు లేకుండా పోయిందని సమాచారం. ఇప్పటివరకు ఏ అధికారి కూడా గ్రామాన్ని సందర్శించలేదని బాధితులు చెబుతున్నారు. బిహార్​లో 40లక్షలమందిపై వరదల ప్రభావం పడింది.

ఇదీ చూడండి: ఆగస్టు 1న ఆన్​లైన్​ 'హ్యాకథాన్'లో ప్రధాని ప్రసంగం