'అలా చేస్తే ప్రధాని భద్రతకే ముప్పు'

ప్రధాని ప్రత్యేక విమాన ప్రయాణాల సమాచారాన్ని బహిర్గతం చేయలేమంటూ దిల్లీ హైకోర్టులో భారత వాయుసేన (ఐఏఎఫ్​) పిటిషన్​ దాఖలు చేసింది. పై సమాచారాన్ని కోరుతూ ఓ సమాచార హక్కు చట్టం ఉద్యమకారుడు పిటిషన్​ దాఖలు చేసిన నేపథ్యంలో ఐఏఎఫ్​ ఈ విధంగా స్పందించింది.

కేంద్ర సమాచార కమిషన్​(సీఐసీ) కోరుతున్న విధంగా తాము ప్రధానమంత్రి ప్రత్యేక విమాన రాకపోకల సమాచారాన్ని వెల్లడించలేమంటూ దిల్లీ హైకోర్టులో భారత వాయుసేన (ఐఏఎఫ్​) పిటిషన్​ దాఖలు చేసింది. ఇది ప్రధాని భద్రతకు సంబంధించిన విషయమని ఐఏఎఫ్​ తెలిపింది.

ప్రధానితో పాటు ప్రయాణించిన బృంద వివరాలు, ప్రత్యేక రక్షణ బృందం (ఎస్పీజీ) సిబ్బంది పేర్లు, ప్రధాని విదేశీ, స్వదేశీ పర్యటన సమాచారం కావాలని విశ్రాంత కమడోర్​ లోకేశ్​ బాత్రా సమాచార హక్కు చట్టం కింది దరఖాస్తు చేశారు. దీనిపై శుక్రవారం విచారణ జరగనుంది.