జమ్ముకశ్మీర్‌లో జరిగిన ఎన్కౌంటర్లో ముగ్గురు ఉగ్రవాదులను హతమార్చాయి భద్రతా బలగాలు. షోపియాన్ జిల్లా సుగూ ప్రాంతంలో ఉగ్రవాదులు నక్కిఉన్నారన్న సమాచారంతో జమ్ముకశ్మీర్ పోలీసులు, భద్రతా దళాలు సంయుక్త ఆపరేషన్ చేపట్టాయి. వీరి రాకను ముందే పసిగట్టిన ముష్కరులు కాల్పులు జరపగా.. ఎన్కౌంటర్కు దారితీసింది. దీటుగా తిప్పికొట్టిన సిబ్బంది ఐదుగురు ఉగ్రవాదులను మట్టుబెట్టాయి. గాలింపు చర్యలు కొనసాగుతున్నాయి. వీరు ఏ ముఠాకు చెందిన వారో తెలియాల్సి ఉంది.
కొద్దిరోజులుగా షోపియాన్లో ఉగ్రవాదుల ఏరివేత కొనసాగుతోంది. వరుసగా ఆపరేషన్లు నిర్వహిస్తున్నాయి భద్రతా దళాలు. ఆదివారం రేబాన్లో ఐదుగురిని, సోమవారం పింజోరాలో నలుగురిని హతమార్చాయి. నాలుగు రోజుల వ్యవధిలో మొత్తం 14 మంది ముష్కరులు మరణించారు.
