కశ్మీర్​లో ఎన్​కౌంటర్​.. అదనపు బలగాల మోహరింపు

జమ్ముకశ్మీర్​లో​ మరోసారి ఉగ్రవాదులు కాల్పులకు తెగబడ్డారు. భద్రతా దళాలు నిర్బంధ తనిఖీలు చేస్తోన్న సమయంలో ఈ ఘటన జరిగింది. అప్రమత్తమైన భద్రతా దళాలు దీటుగా స్పందించాయి.

జమ్ముకశ్మీర్​ కుల్గాంలో ఉగ్రమూకలకు, భద్రతా దళాలకు మధ్య ఎదురుకాల్పులు జరిగాయి. దక్షిణ కశ్మీర్​ జిల్లాలోని యామ్రాచ్​లో ఉగ్రవాదులు ఉన్నారన్న పక్కా సమాచారంతో భద్రతాదళాలు సెర్చ్ ఆపరేషన్​ ప్రారంభించాయి. దీనితో ముష్కరులు ఒక్కసారిగా కాల్పులకు తెగబడ్డారు. అప్రమత్తమైన భద్రతా దళాలు దీటుగా బదులిచ్చాయి. అదనపు బలగాలను ఘటనా స్థలానికి పంపినట్లు అధికారులు తెలిపారు.

ఇదీ చూడండి: ఘోర రోడ్డు ప్రమాదం- 8 మంది మృతి, 53 మందికి గాయాలు