Nayanthara Criticizes Hero Dhanush : కోలీవుడ్ హీరో ధనుష్‌పై స్టార్ హీరోయిన్ నయనతార తీవ్ర విమర్శలు చేసింది. తన డాక్యుమెంటరీలో నానుమ్ రౌడీ దాన్‌ సాంగ్స్ మ్యూజిక్ వినియోగించుకోవడానికి అవకాశం ఇవ్వకపోవడంపై నయన ఈ విమర్శలు చేశారు. ఈ మేరకు ధనుశ్కు ఓ బహిరంగ లేఖ రాశారు. కాగా, ఈ చిత్రం ధనుశ్కు సంబంధించిన వండర్బార్ ఫిల్మ్ నిర్మించింది.
"మీ తండ్రి, గొప్ప డైరెక్టర్ అయిన మీ సోదరుడి ప్రోత్సాహంతో చిత్ర పరిశ్రమలోకి వచ్చి గొప్ప నటుడిగా ఎదిగిన మీరు దీనిని చదివి అర్థం చేసుకుంటారని భావిస్తున్నాను. నాలాంటి ఎంతోమంది, మనుగడ కోసం చేసే పోరాటమే సినిమా అని మనందరికీ తెలుసు. చిత్ర పరిశ్రమలో ఎవరితో లింక్స్ లేకుండా, సంబంధం లేకుండా నేను ఈ స్థాయికి రావడానికి ఎంతో కష్టపడ్డాను. నా వృత్తికి, మరీ ముఖ్యంగా నా అభిమానులకు నేను ఎప్పుడూ రుణపడి ఉంటాను.
నా మీద రూపొందిన నెట్‌ఫ్లిక్స్‌ డాక్యుమెంటరీ కోసం నేను మాత్రమే కాదు నా ఫ్యాన్స్, నా శ్రయోభిలాషులు కూడా ఆత్రుతగా ఎదురు చూస్తున్నారు. ఎన్నో సవాళ్లు ఎదురైనప్పటికీ నా ఫిల్మ్ ఫ్రెండ్స్, మొత్తం టీమ్ సహకారంతో దీనిని రూపొందించాం.
మీరు ఈ సినిమాతో పాటు నా భర్త, నాపై పెంచుకున్న ప్రతీకారం, మమ్మల్ని మాత్రమే కాకుండా ఈ ఫిల్మ్ కోసం భాగమై కష్టపడిన ఇతరులను కూడా ఎంతో ఇబ్బంది పెడుతోంది. నా గురించి, నా జీవితం గురించి, సినీ జర్నీ, ప్రేమ, పెళ్లితో పాటు నాతో ఉన్న అనుబంధం ఉన్న తోటి నటీ నటులు పంచుకున్న విశేషాలతో ఈ డాక్యుమెంటరీని రూపొందించారు. కానీ నా లైఫ్లో ఎంతో ముఖ్యమైన నానుమ్ రౌడీ దాన్‌ చిత్రం మాత్రం ఇందులో లేకపోవడం చాలా బాధాకరం.
ఈ చిత్రంలోని ఫొటోలు, వీడియోలు, సాంగ్స్ ఉపయోగించుకోవడానికి, ఎన్‌వోసీ ఇవ్వమని దాదాపు రెండేళ్ల పాటు నుంచి మీతో పోరాడుతున్నాను. నెట్‌ఫ్లిక్స్‌లో ఈ డాక్యుమెంటరీ రిలీజ్‌ దగ్గర పడుతున్న సమయంలోనూ మీ పర్మిషన్ కోసం ఎదురుచూశాము. కానీ చివరకు మేము ఆశలు వదులుకున్నాం. మీరు సహాకారం అందించకపోవడంతో రీ ఎడిట్‌ చేశాం.
నానుమ్ రౌడీలోని పాటలు, లిరిక్స్ ట్రూ ఎమోషన్స్ నుంచి వచ్చినవి. మా డాక్యుమెంటరీలో ఉపయోగించుకోవడానికి అంతకన్నా బెటర్ మ్యూజిక్ లేదనిపించింది. కానీ మీరు ఆ పాటలు లేదా కానీ ఆ పాటలకు సంబంధించిన లిరిక్స్ వాడుకోవడానికైనా పర్మిషన్ ఇవ్వకపోవడం నా హృదయాన్ని ముక్కలు చేసింది" అని నయన్ రాసుకొచ్చింది.
