కేరళలో మృతిచెందిన ఏనుగు.. పైనాపిల్ బాంబును ప్రమాదవశాత్తు ఆరగించి ఉండొచ్చని పర్యావరణ మంత్రిత్వ శాఖ వెల్లడించింది. కేసు ప్రాథమిక దర్యాప్తు ఆధారంగా ఈ వ్యాఖ్యలు చేసింది. అడవి పందుల బారి నుంచి తమ పొలాలను రక్షించుకోవడానికి స్థానికులు ఈ తరహా విస్ఫోటాలతో అక్రమ చర్యలకు పాల్పడుతుంటారని గుర్తించినట్టు వివరించింది.
"ఆ పండును ఏనుగు ప్రమాదవశాత్తు ఆరగించి ఉండొచ్చని ప్రాథమిక దర్యాప్తులో తేలింది. కేరళ ప్రభుత్వాన్ని పర్యావరణశాఖ నిరంతరం సంప్రదిస్తోంది. ఈ నేరానికి పాల్పడిన వారిని తక్షణమే అరెస్టు చేసి వారిపై కఠిన చర్యలు చేపట్టాలని ప్రభుత్వానికి సూచించింది. ఇప్పటికే ఒకరిని అదుపులోకి తీసుకున్నారు. ఈ చర్యలకు పాల్పడిన ఇతరులను పట్టుకోవడానికి కృషి చేస్తున్నారు."
--- పర్యావరణమంత్రిత్వ శాఖ ట్వీట్.
సామాజిక మాధ్యమాల్లో వస్తున్న ఊహాగానాలను నమ్మవద్దని పర్యావరణశాఖ సహాయమంత్రి బాబుల్ సుప్రియో వ్యాఖ్యానించారు. ఈ విషయాన్ని ఆ శాఖ ట్విట్టర్ ద్వారా వెల్లడించింది.
ఘటనను తీవ్రంగా పరిగణించిన కేంద్ర, రాష్ట్ర ప్రభుత్వాలు.. ఎప్పటికప్పుడు అధికారులతో సమావేశమై పరిస్థితులను సమీక్షిస్తున్నాయి.
ఇదీ చూడండి:- 'భరించలేని నొప్పి, ఆకలితోనే ఏనుగు మృతి'
