దిల్లీ పంచకులలో 'అసోసియేటెడ్ జర్నల్స్ లిమిటెడ్' (ఏజేఎల్) ఆధీనంలోని రూ.64.93 కోట్ల విలువైన స్థలాన్ని త్వరలోనే స్వాధీనం చేసుకోవడానికి ఎన్ఫోర్స్మెంట్ డైరెక్టరేట్ సమాయత్తమవుతోంది.
2005లో హరియాణా ప్రభుత్వం 64.93 కోట్ల విలువైన ఈ స్థలాన్ని, అతి తక్కువ ధర రూ.64.93 లక్షలకే ఏజీఎల్కు కేటాయించింది. అందుకే గతేడాది డిసెంబర్ 1న మనీలాండరింగ్ చట్టం ప్రకారం ఈడీ ఈ ప్లాట్ను ఎటాచ్ చేసింది. అలాగే పీఎమ్ఎల్ఏ చట్టాన్ని ప్రయోగించింది.
ఇదే రోజున హరియాణా మాజీ ముఖ్యమంత్రి భూపేంద్రసింగ్ హూడాతో పాటు కాంగ్రెస్ నేత మోతీలాల్ వోరాపై కేంద్ర దర్యాప్తు సంస్థ (సీబీఐ) కేసు నమోదు చేసింది. హూడా అక్రమ నగదు లావాదేవీలకు పాల్పడి ఏజేఎల్కు పంచకులలోని ఈ విలువైన స్థలాన్ని కేటాయించినట్లు అభియోగాలు నమోదు చేయడం గమనార్హం.
ఏజీఎల్... గాంధీలదే..
నిజానికి ఏజేఎల్ కాంగ్రెస్ అగ్రనేత కనుసన్నల్లో పనిచేస్తుంది. ముఖ్యంగా గాంధీ కుటుంబం ఆధ్వర్యంలో ఇది నడుస్తోంది. ఈ ఏజేఎల్ గ్రూప్ నేషనల్ హెరాల్డ్ పత్రికను నడుపుతోంది.
ఈడీ స్వాధీనం చేసుకుంటే..
పంచకులలోని ఈ విలువైన స్థలాన్ని ఈడీ స్వాధీనం చేసుకున్న తర్వాత మరెవరూ అక్కడ ఎలాంటి కార్యకలాపాలు కొనసాగించలేరు. ఈ కేసులో ఈడీకి అనుకూలంగా తీర్పు వెలువడితే, కోట్ల విలువైన ఈ స్థలం మరలా ప్రభుత్వ ఆధీనంలోకి వస్తుంది.
మాజీ హరియాణా ముఖ్యమంత్రి హూడా అవినీతికి పాల్పడ్డారని ఈడీ ఆరోపణలు చేసింది.
భూపేంద్రసింగ్ హూడా ముఖ్యమంత్రి పదవిని దుర్వినియోగం చేశారు. మోసపూరితంగా ఏజేఎల్ సంస్థకు తక్కువ రేట్లకే కోట్ల విలువైన పంచకులలోని స్థలాన్ని కేటాయించారు. 1982 నాటి రేట్లు చదరపు మీటరకు రూ.91 చొప్పున ఉన్నాయి. అయితే ఏజేఎల్ బకాయిలు చెల్లించాల్సిఉన్నా కూడా, హూడా ఆ స్థలాన్ని ఏజేఎల్కు కేటాయించేలా (2005లో) నిర్ణయం తీసుకున్నారు. ఇది చట్టవ్యతిరేకమని ఈడీ ఆరోపిస్తోంది.
ఇదీ విషయం..
1982లో ఏజేఎల్కు హిందీ పత్రిక 'నవజీవన్' నడపడానికి పంచకులలోని స్థలాన్ని కేటాయించారు. అయితే 1992 వరకు అక్కడ ఎలాంటి నిర్మాణాలు చేపట్టలేదు. ఫలితంగా హరియాణా పట్టణాభివృద్ధి సంస్థ (హెచ్యూడీఏ) ఆ స్థలాన్ని స్వాధీనం చేసుకుంది.
హరియాణా బీజేపీ నాయకుల విజ్ఞప్తితో... సీబీఐ ఎఫ్ఐఆర్ ఆధారంగా... 2016లో ఈడీ కూడా పీఎమ్ఎల్ఏ చట్టం కింద కేసు నమోదు చేసింది.
ఇదీ చూడండి: ముజఫర్నగర్ అల్లర్ల కేసులో అందరూ నిర్దోషులే!
