ఝార్ఖండ్ శాసనసభ కాలపరిమితి జనవరి 5తో ముగుస్తున్న నేపథ్యంలో ఎన్నికలకు సిద్ధమైంది భారత ఎన్నికల సంఘం. సాయంత్రం దిల్లీలో షెడ్యూల్ విడుదల చేయనున్నట్లు అధికారిక ప్రకటన విడుదల చేసింది.
ఝార్ఖండ్తో పాటు దిల్లీ అసెంబ్లీ ఎన్నికలకు కూడా షెడ్యూల్ విడుదల చేసే అవకాశం ఉందని ఊహాగానాలు వినబడుతున్నాయి. కానీ.. దీనిపై ఈసీ ఎలాంటి స్పష్టత ఇవ్వలేదు.
2014 ఎన్నికల్లో భాజపా విజయం..
ఝార్ఖండ్లో 81 స్థానాలకుగాను 2014 నవంబర్ 25-డిసెంబర్ 20 మధ్య ఐదు దశల్లో జరిగిన శాసనసభ ఎన్నికల్లో భాజపా 37 స్థానాల్లో విజయం సాధించింది. ఆల్ ఝార్ఖండ్ స్టూడెంట్స్ యూనియన్ (5)తో జట్టు కట్టు ప్రభుత్వాన్ని ఏర్పాటు చేసింది. ముఖ్యమంత్రిగా రఘుబర్దాస్ బాధ్యతలు చేపట్టారు.
కాంగ్రెస్ పార్టీ 7 స్థానాలకే పరిమితమైంది. ఝార్ఘండ్ ముక్తి మోర్చా 19, ఝార్ఘండ్ వికాస్ మోర్చా 8 సీట్లు సాధించాయి.
ఆపరేషన్ ఆకర్ష్...
శాసనసభ ఎన్నికలకు ముందు నలుగురు విపక్ష ఎమ్మెల్యేలు అధికార భాజపాలో చేరారు. ఇద్దరు కాంగ్రెస్ ఎమ్మెల్యేలు సుఖ్దేవ్ భగత్, మనోజ్ యాదవ్, ఝార్ఖండ్ ముక్తి మోర్చా (జేఎంఎం) నుంచి కునాల్ సారంగి, స్వతంత్ర ఎమ్మెల్యే భాను ప్రతాప్ సాహి భాజపా తీర్థం పుచ్చుకున్నారు.
ఇదీ చూడండి: ఆ రాష్ట్రాలకు మోదీ, రాహుల్ శుభాకాంక్షలు
